Հոդված09:08, 12 Մայիս 2017
Ֆրանսիայի նորընտիր նախագահի խորհրդական է նշանակվել թուրք Յակուբ Չելիքը
Թուրքական «Haber-sanliurfa.com» լրատվական կայքի սյունակագիր Օմուր Չելիքդյոնմեզն անդրադարձել է Ֆրանսիայի նորընտիր նախագահ Էմանուել Մակրոնի խորհրդականի պաշտոնում թուրք Յակուբ Չելիքի նշանակման փաստին:
Հոդվածագիրը նախ հիշեցրել է, որ ԱՄՆ-ի նախագահ Դոնալդ Թրամփը ևս ունի թուրք խոհրդական՝ մեջբերելով «Assembly of Turkish American Associations»-ի նախկին նախագահ Էրգյուն Քըրլըքովայի խոսքերը. «Թրամփի մերձակա շրջապատում թուրք-ամերիկյան բարեկամական խմբից 5 հոգի կա»: Չելիքդյոնմեզի կարծիքով սա շատ կարևոր հանգամանք է, քանի որ Թուրքիայի հետ ԱՄՆ-ի կապված քաղաքականության մեջ հնարավոր կլինի որոշ ուղղորդումներ անել:
Անդրադառնալով Յակուբ Չելիքի՝ Ֆրանսիայի նորընտիր նախագահի խորհրդական նշանակվելուն, հոդվածագիրը նշում է, որ այդ երկրում թուրքական համայնքը շատ մեծ չէ, սակայն բավական մեծ ավանդ ունի Ֆրանսիայի հասարակական ու քաղաքական կյանքում:
«Ֆրանսիայի քաղաքացի թուրքերը քաղաքականությամբ են զբաղվում: Նրանցից մեկն էլ Ֆրանսիայի նախագահ ընտրված Էմանուել Մակրոնի խորհրդական, Թուրքիայի Գյումուշհանե նահանգից 29 տարեկան Յակուբ Չելիքն է: Ֆրանսիական լրատվական դաշտը նախընտրում է նրա անունը գրել հրեական «Jacob» (Yakubo) ձևով, ինչի պատճառով շատերը կարող են կարծել, թե նա հրեա է:
…Հայտնի է, որ Գյումուշհանեում հայեր ու հույներ են ապրել: Նույնիսկ որոշ դավադիրներ պնդում են, որ այդ շրջանում ծպտյալ հայեր ու հույներ են ապրում: Սակայն Գյումուշհանեում հրեական համայնքի առկայության մասին գտածս միակ աղբյուրը 2009-ի փետրվարին Ekonomik Forum հանդեսում Գյումուշհանեի վերաբերյալ հրապարակված հոդվածն է, որտեղ նշվում է, որ քաղաքի Սուլեյմանիյե թաղամասում ապրում են մուսուլմաններ, քրիստոնյաներ ու հրեաներ:
Սակայն Գյումուշհանեի զբոսաշրջային տեղեկագրի մեջ հրեական որևէ հուշարձանի, սինագոգի կամ այլ հետքի մասին տեղեկության բացակայությունը կասկած է առաջացնում այստեղ երբևէ հրեական համայնք լինելու մասին»,- գրում է հեղինակը՝ հաջորդիվ տեղեկություններ հաղորդելով Չելիքի կենսագրականից:
Ըստ այդմ՝ 1970-ականներին Չելիքի ընտանիքը Թուրքիայից տեղափոխվել է Ֆրանսիա, իսկ ավելի ընտանիքի բոլոր անդամները վերադարձել են Թուրքիա:
Ֆրանսիայում կրթություն ստացած ու Սոցիալիստական կուսակցությանն անդամակցած Յակուբ Չելիքը պաշտոններ է զբաղեցրել տեղական ինքնակառավարման մարմիններում: 2014-ին անդամակցել է Մակրոնի «Շարժում» քաղաքական հոսանքին:
Հեղինակը նշում է, որ Մակրոնի՝ թուրքական ծագմամբ խորհրդականը, ում աջակցում է ոչ միայն թուրքական համայնքը, այլև մուսուլմանները, հույս է ներշնչում մուսուլմանների նկատմամբ Մակրոնի վարելիք քաղաքականության առումով:
Հոդվածի հեղինակը նշում է նաև, որ Մակրոնի ընտրվելուց հետո Ֆրանսիայի իսլամական խորհրդի փոխնախագահ Ահմեթ Օղրաշը հայտարարել է, որ Ֆրանսիայի մահմեդականները շատ ուրախ են Մակրոնի ընտրությունից:
Նշվում է նաև, որ Յակուբ Չելիքը Մակրոնի թիմում Եվրո գոտու պատասխանատուն է, ինչպես նաև՝ պատգամավորի թեկնածու:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Մինչ Թուրքիայում իրենց «կարմիր» անցյալը թողած վազում են կապույտ երազանքների հետևից, Հայաստանում օրը սև է, կորուստը` դառը:
Հոդվածում նշվում է, որ մինչ մյուս գլոբալ տերությունները վերանայում են իրենց աֆրիկյան ռազմավարությունները, Անկարան իրեն դիրքավորում է որպես միջնորդ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |