Միջազգային09:41, 27 Ապրիլ 2017
ՆԱՏՕ-ի գլխավոր քարտուղար. «Թուրքիան պետք է հարգանք ցուցաբերի օրենքի նկատմամբ»
Եվրամիության անդամ երկրների պաշտպանության նախարարների ժողովին մասնակցելու նպատակով Մալթա մեկնած ՆԱՏՕ-ի գլխավոր քարտուղար Յենս Ստոլտենբերգը լրագրողների հետ զրույցում խոսել է Թուրքիայի ներքաղաքական իրավիճակի մասին:
Ինչպես իրազեկում է թուրքական «Yeniakit» թերթի կայքը, Ստոլտենբերգը, անդրադառնալով Թուրքիայում 2016թ. հուլիսի 15-ի ռազմական հեղաշրջման փորձից հետո սկիզբ առած ձերբակալություններին, ասել է. «Թուրքիան իրավունք ունի իրեն պաշտպանել և ձախողված հեղաշրջման փորձի ետևում կանգնածներին պատասխանատվության ենթարկել: Սակայն այդ ամենը պետք է տեղի ունենա օրենքի շրջանակներում և օրենքի գերակայության պայմաններում: Թուրքիան պետք է հարգանք ցուցաբերի օրենքի նկատմամբ»:
Թուրքական աղբյուրը Ստոլտենբերգի այս հայտարարությունը բնութագրում է որպես «սկանդալային»:
Հիշեցնենք, որ թուրքական իշխանությունները ռազմական հեղաշրջման փորձի կազմակերպման մեջ մեղադրում են իսլամի քարոզիչ, ամերիկաբնակ միլիարդատեր Ֆեթթուլահ Գյուլենին և ԱՄՆ-ի իշխանություններից պահանջում արտահանձնել նրան Թուրքիային:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Հանդիպմանը կողմերն անդրադարձել են նաև տարածաշրջանային հարցերի։
Դա Թուրքիայում հանրային լայն քննարկումների առիրթ է դարձել։
Թուրքիայում ազատազրկված անձանց թիվը ներկա դրությամբ հասնում է 362.000-ի։
Թուրքիայի նախագահ. «Մենք կատեգորիկ թույլ չենք տա, որ խաթարվեն մեր փողոցները»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |