Կանխվել է «Карабах» մակնշմամբ թուրքական լոլիկի անօրինական ներմուծումը Հայաստան

Տնտեսական11:15, 12 Ապրիլ 2017

Կանխվել է «Карабах» մակնշմամբ թուրքական լոլիկի անօրինական ներմուծումը Հայաստան

Ապրիլի 11-ին ՀՀ սահմանին կանխվել է «Карабах» մակնշմամբ թուրքական արտադրության մոտ 50 կիլոգրամ պոմիդորի և վարունգի ներկրումը Հայաստան:

Իրավախախտները, համապատասխան ձևակերպումներից խուսափելու նպատակով, գյուղմթերքը փորձել են ներմուծել խնձորով ծածկված արկղերում՝ ավտոմեքենաներում հատուկ այդ նպատակով պատրաստված թաքստոցների մեջ:

Մաքսանենգ գյուղմթերքի ներմուծման բոլոր փորձերը կանխվել են:

ՀՀ Պետական եկամուտների կոմիտեն 2017-ի ապրիլի 12-ի դրությամբ գյուղմթերքի անօրինական ներկրման 272 փորձ է կանխել, որի արդյունքում հայտնաբերվել է մոտ 18 տոննա գյուղմթերք, հիմնականում պոմիդոր:

Հիշեցնենք, որ օրեր առաջ հայկական մամուլում լայն արձագանք էր գտել այն լուրը, որ Արարատի մարզի Հովտաշատ գյուղի շուկայում վաճառքի են հանվել թուրքական լոլիկներով բեռնված արկղեր՝ մակնշված ռուսերեն «Карабах» գրությամբ:

«Ermenihaber.am»-ի կատարած հետաքննությամբ պարզվել էր, որ այդ լոլիկները արտադրվում են Թուրքիայի Անթալիա քաղաքում և արտահանվում մի շարք երկրներ, այդ թվում՝ Վրաստան: Հայաստանը «Карабах» մակնշմամաբ լոլիկի արտադրությամբ զբաղվող «Şahtu Tarım Ürünleri» (Շահթու գյուղմթերքներ) ընկերության հետ որևէ պայմանագիր չունի և նշված արտադրանքը, փաստորեն, ՀՀ է ներմուծվում երրորդ երկրից:

Աղբյուր` Ermenihaber.am

Այս ենթաբաժնի վերջին նորությունները

14:13, 15 օգոս

Մտադրություն կա Ադրբեջանից Սիրիա գազամատակարարման ծավալները հասցնել 6 մլն խմ-ի

Թուրքիայի էներգետիկայի և բնական պաշարների նախարարը խոսել է Ադրբեջանից Թուրքիայի տարածքով Սիրիա գազամատակարարման, Թուրքիա-Իրաք նավթատարի և Պակիստանի հետ նոր համաձայանգրեր կնքելու մասին։