Հոդված10:28, 04 Ապրիլ 2017
Bianet. «Էրդողանը Էրդողանի դեմ, 1994-2017թթ.»
Թուրքական «Bianet.org» կայքն անդրադարձել է Թուրքիայի նախագահ Ռեջեփ Թայիփ Էրդողանի` հակասություններով հարուստ քաղաքական կարիերային: Կայքը «Էրդողանը Էրդողանի դեմ, 1994-2017թթ.» հոդվածում, հենվելով արխիվային նյութերի վրա, ցույց է տվել, թե ժամանակի ընթացքում միևնույն թեմաների շուրջ ինչպես են տրամագծորեն փոխվել Էրդողանի դիրքորոշումները:
1994 թվական
Ստամբուլի քաղաքապետի թեկնածու Էրդողանը կտրականապես դեմ է արտահայտվում Բոսֆորի նեղուցի վրա 3-րդ ավտոմոբիլային կամուրջը կառուցելուն:
«Ստամբուլցին պետք է ապրի ոչ թե այնպիսի քաղաքում, որտեղ մեքենաների մասին ավելի շատ են մտածում, քան մարդկանց, այլ այնպիսի քաղաքում որի առանցքը պետք է մարդը լինի:
Տրանսպորտային խնդիրներ չունեցող մեգապոլիս ունենալու միջոցներից մեկը մետրոն է:
3-րդ կամուրջը կառուցելը նշանակում է ոչնչացնել մեր «թոքերը»: Դա լուրջ սխալ է»,- ասել էր Էրդողանը:
2016 թվական
Օգոստոսի 26-ին հանդիսավոր կերպով բացվեց 3-րդ կամուրջը, որին տրվեց «Սուլթան Սելիմ Ահեղ» անունը: Բացման հանդիսավոր արարողությանը մասնակցող Էրդողանն առաջինն անցավ կամուրջի վրայով:
1994 թվական
Ստամբուլի քաղաքապետ ընտրված Էրդողանը հեռուստահաղորդավարի այն հարցին, թե արդյոք հնարավոր է, որ նորընտիր քաղաքապետը միջամտի մարդկանց կենսաձևին, պատասխանում է.
«Մենք չենք կարող որևէ մեկի հագուկապին միջամտել: Մենք մեր պարտականությունները կատարելիս հարգանք ենք ցուցաբերելու Ստամբուլի մշակույթը ձևավորող բոլոր շերտերի նկատմամբ:
Պանդոկների, բարերի և նմանատիպ այլ վայրերի գործունեության սահմանափակման մասին հարցին ի պատասխան` Էրդողանն ասել է, որ ինքը չի ստուգելու դրանց համապատասխանությունը սահմանված չափանիշներին: Վերջինս նշել է, որ այդ ամենն իրականացնելու է մեդիայի հետ համատեղ` իրականացնելով «մասնակցային դեմոկրատիա»:
2013 թվական
Մի շարք սահմանափակումներ է դրվում ոգելից խմիչքի վաճառքի և օգտագործման վրա:
Էրդողանը սահմանափակումները օրինականացրած իր կուսակից պատգամավորներին ուղղված շնորհակալական խոսքում ասում է. «Մտցված կանոնակարգումները չեն կարող ընկալվել որպես միջամտություն որևէ մեկի կենսաձևին: Ով ցանկանում է ալկոհոլային խմիչք օգտագործել, կարող է իր տանը օգտագործել»:
2013 թվական
Վարչապետ էրդողանը Գեզի այգու քանդման որոշման դեմ ծայր առած բողոքի ցույցերի օրերին «Haberturk» թերթին տված հարցազրույցում ասել էր, որ իր գրասենյակից հետևում է կանաց հագուկապին` ավելացնելով, որ դա դուր չի գալիս իրեն:
«Ավանդույթներով առաջնորդվող ծնողը արդյո՞ք կցանկանա, որ իր աղջիկը նստի ինչ-որ մեկի գիրկը: Նայում եմ Դոլմաբահչեի իմ գրասենյակի դիմացով անցնողների տեսքին: Այդ ամենը չի համապատասխանում իմ արժեհամակարգին, սակայն մտածում եմ, որ իմ հասարակության ներկայացուցիչն է, չեմ կարող նրա հագուկապին բան ասել»,- ասել էր Էրդողանը:
2002 թվական
Նոյեմբերի 3-ի համապետական ընտրություններում հաղթելուց հետո արած առաջին հայտարարության մեջ կրկին շեշտը դնում է «մասնակցային ժողովրդավարության» իր թեզի վրա:
«Ուզում եմ հատուկ շեշտել, որ մենք ջանք չենք խնայելու մասնակցային ժողովրդավարության համար բոլոր պահանջվող քայլերը կատարելու համար»,- ասել է Էրդողանը` պարզաբանելով, որ իրենց բոլոր քայլերը համաձայնեցնելու են հատկապես հասարակական կազմակերպությունների ու խորհրդարան չներկայացված կառույցների հետ:
2016 թվական
Ապրիլի 7-ի ելույթի ժամանակ նախագահ Էրդողանը շատ կոշտ է արտահայտվում քրդական շրջաններում տեղի ունեցած բախումների և դրա հետևանքների մասին ՀԿ-ների կազմած զեկույցի վերաբերյալ`ասելով, որ պետք է ճնշել այդպիսի զեկույցներ հրապարակողներին:
Այս ենթաբաժնի վերջին նորությունները
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ը ներկայացնում է թուրք լրագրող-գրող Նևզաթ Օնարանի՝ «Համիդիեից ապրիլի 24» խորագրով հոդվածի հայերեն թարգմանությունը։
Ermenihaber.am-ը ներկայացնում է 2023-ի վերջին և 2024-ի սկզբին, այսպես կոչված, «Զանգեզուրի միջանցքի» մասին Անկարայից հնչած հայտարարությունները։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |