Միջազգային10:03, 13 Մարտ 2017
New York Times-ի անդրադարձը թուրք-եվրոպաական հարաբերությունների սրմանը
Ամերիկյան «New York Times» պարբերականի թղթակից Պատրիկ Քինգսլեյը Թուրքիա-Հոլանդիա լարվածության համատեքստում անդրադարձել է թուրք-եվրոպական հարաբերությունների սրմանն ու դրանց պատճառներին:
Թուրքական ընդդիմադիր «T24» լրատվակայքի փոխանցմամբ՝ Քինգսլեյը մասնավորապես ուշադրություն է հրավիրել այն հանգամանքին, որ Թուրքիայի և Հոլանդիայի միջև առաջացած լարվածությունն արձագանքն է գտել նաև այդ երկրների ներքին քաղաքական կյանքում:
«New York Times» -ի թղթակիցը նշել է, որ սպասվելիք հանրաքվեի արդյունքների անորոշության ֆոնին Թուրքիայում առաջացել է այն կարծիքը, թե Էրդողանը վիճում է Եվրոպայի հետ՝ շահելու համար ազգայնականների աջակցությունը:
Քինգսլեյը մեջբերել է լրագրող և մտավորական Ջենգիզ Չանդարի հետևյալ մեկնաբանությունը. «Այսօրվա Թուրքիայի արտաքին քաղաքականությունը՝ Սիրիայից մինչև Հոլանդիա և Գերմանիա, կապված է ներքին քաղաքական առօրյայի հետ: Այս պահին Թուրքիայի արտաքին քաղաքականություն, որպես այդպիսին, գոյություն չունի: Թուրքիայի արտաքին քաղաքականությունը պայմանավորված է Էրդողանի նախահանրաքվեական քարոզարշավով»:
Ամերիկացի լրագրողը կարծիք է հայտնել, որ Էրդողանի՝ Եվրոպայի հետ հարաբերությունները սրելու հնարավոր պատճառներից մեկն էլ ընդդիմադիր «Ազգայնական շարժում» կուսակցության (ԱՇԿ - MHP) վրա ազդեցություն գործելն է:
Քինգսլեըը նաև նշել է, որ Եվրոպային քննադատող Էրդողանը սեփական երկրում իր կատարած արարքների համար մեղադրվում է երկերեսանիության մեջ: Այս համատեքստում նա հիշեցրել է հուլիսի 15-ի հեղաշրջման փորձից հետո Թուրքիայում սկիզբ առած ձերբակալությունների, ազատազրկումների, հետաքննությունների և աշխատանքից ազատման բազմաթիվ դեպքերի մասին:
Հոդվածը եզրափակվում է թուրք լրագրող Չանդարի հետևյալ խոսքերով.
«Նա այն երկրի նախագահն է, որի բանտերում 150-ից ավելի լրագրող, ընդդիմադիր գրող և քաղաքական գործիչ է գտնվում: Խորհրդարանում ներկայացված՝ մեծությամբ 3-րդ կուսակցության առաջնորդներն ու պատգամավորները ևս բանտում են: Թուրքիան վերածվել վախի հանրապետության»:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |