Նոր մանրամասներ Մեծ Բրիտանիա-Թուրքիա ռազմարդյունաբերական պայմանագրի վերաբերյալ

Միջազգային11:00, 01 Փետրվար 2017

Նոր մանրամասներ Մեծ Բրիտանիա-Թուրքիա ռազմարդյունաբերական պայմանագրի վերաբերյալ

Հայտնի են դարձել Թուրքիայի և Մեծ Բրիտանիայի միջև ռազմարդյունաբերական համագործակցության նոր մանրամասներ։

«CNN Türk»-ի փոխանցմամբ` բրիտանական «BAE Systems» ընկերությունը և ռազմատիեզերական արդյունաբերությամբ զբաղվող թուրքական «TUSAŞ» (Turkish Aerospace Industries) ընկերությունը նախօրեին ստորագրված պայմանագրի համաձայն համատեղ կզբաղվեն թուրքական «TF-X» ռազմական ինքնաթիռների արտարդրությամբ:

Երկու պետությունների կողմից հովանավորվող պայմանագրի շրջանակներում թուրք և անգլիացի ինժեներները ինքնաթիռի դիզայնի մշակմանն և ընդհանուր կատարելագործմանն ուղղված աշխատանքներ կկատարեն, ինչպես նաև՝ միմյանց կօգնեն տեխնոլոգիական և տեխնիկական սպասարկման ոլորտում: Մեծ Բրիտանիայի՝ Եվրամիությունից դուրս գալու որոշումից հետո այս նախագիծն առաջին քայլն է երկու երկրների հարաբերություններում:

Պայմանագրի արժեքի վերաբերյալ տարբեր աղբյուրներում տարբեր տեղեկություններ են նշվում: Սակայն հայտնի է, որ նախագծի առաջին էտապի համար կառանձնացվի շուրջ 117 միլիոն եվրո: «HaberTürk»-ի հրապարակած տեղեկության համաձայն՝ մյուս փուլերի հետ մեկտեղ նախագծի ընդհանուր արժողությունը կկազմի շուրջ 7 միլիարդ եվրո: Արդյունքում Թուրքիայի զինված ուժերը կհամալրվեն 250 «TF-X» ինքնաթիռով:

Ենթադրաբար 20 տարի տևողությամբ նախագծի ավարտին Թուրքիան հնարավորություն կստանա վաճառելու սեփական արտադրության ռազմական ինքնաթիռները: Բացի այդ, Թուրքիան կունենա նաև «TF-X» ինքնաթիռների ծրագրային կոդերը և այդ ինքնաթիռների արտադրության մեջ մասնագիտացված ինժեներներ: Ինքնաթիռի առաջին նախատիպը պատրաստ կլինի 2023թ., իսկ առաջին թռիչքը կկատարվի 2030-ին:

Հիշեցնենք, որ կողմերի միջև ռազմարդյունաբերական համագործակցություն նախատեսող պայմանագիրը կնքվել էր Մեծ Բրիտանիայի վարչապետ Թերեզա Մեյի՝ հունվարի 28-ին Թուրքիա կատարած այցի ընթացքում:

Աղբյուր` Ermenihaber.am

Այս ենթաբաժնի վերջին նորությունները

14:18, 07 մայ

Թուրքիան դատապարտել է Հնդկաստանի հարձակումը Պակիստանի վրա

Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։

11:40, 05 մայ

Իսրայելական մամուլ․ Թուրքիայի պատճառով Նեթանյահուն չեղարկել է իր այցն Ադրբեջան

Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։