Միջազգային09:06, 19 Հունվար 2017
Եվրախորհրդարանի նորընտիր նախագահ. «Թուրքիայում խոսքի ազատություն չկա»
Եվրախորհրդարանի (ԵԽ) նորընտիր նախագահ Անտոնիո Տայանին հանդես է եկել Թուրքիայի մասին հայտարարությամբ: Նա նշել է, որ Թուրքիայում խոսքի ազատություն գոյություն չունի: Միաժամանակ Տայանին կողմ է արտահայտվել Թուրքիա-Եվրամիություն բանակցությունների դադարեցմանը: Թուրքական իշխանամետ «Akşam» թերթի կայքը ԵԽ նորընտիր նախագահի խոսքերը բնութագրել է որպես «սկանդալային»:
Նշենք նաև,որ անցյալ ամիս «EurActiv» կայքին տված մի հարցազրույցի ժամանակ Տայանին ասել էր. «Թուրքիան Եվրամիության կարևոր գործընկերն է, սակայն վերջին զարգացումները ինձ մտահոգում են: Եթե Անկարան ցանկանում է Եվրամության գործընկերը լինել, ապա պետք է հարգի օրենքի գերակայության, խոսքի ազատության սկզբունքը, իր քաղաքացիների հիմնարար իրավունքները: Եվրախորհրդարանի դիրքորոշումը շատ հստակ է. Բանակցությունները պետք է սառեցված մնան այնքան ժամանակ, քանի դեռ Թուրքիան վերջ չի տվել բռնություններին»:
Աղբյուրը հիշեցնում է նաև, որ 2015թ. ապրիլին Եվրախորհրդարանի կողմից Հայոց ցեղասպանության վերաբերյալ բանաձևի ընդունումից առաջ էլ Տայանին հետևյալ մեկնաբանություններ էր արել. «Ցեղասպանությունը ցեղասպանություն է: Այն տեղի է ունեցել: Մենք կարող ենք հասկանալ, որ սա Թուրքիայի համար զգայուն թեմա է: Սակայն մենք էլ Եվրոպայի անունից պայքարում ենք մարդու իրավունքների, մարդու պատվի պաշտպանության համար և դա մեր հիմնական սկզբունքներից, առաջնայնություններից մեկն է:
Այսինքն, մենք սա Թուրքիային դեմ գնալու համար չենք անում: Հրեաների ցեղասպանության առումով էլ նույն մոտեցումը ցուցաբերեցինք, ինքնաքննադատություն դրսևորեցինք: Դա մեր պատմությունն է: Հազարավոր հայեր էլ սպանվեցին: Եվ դա էլ մարդկության պատմության մի մասն է: Հայոց ցեղասպանության ժխտումը ոչ ոքի օգուտ չի տա: Դա պատմության մի մասն է և ակնհայտ իրողություն է: Մենք դատապարտում ու պատժում ենք ոչ թե այսօրվա, այլ 100 տարի առաջվա Թուրքիային: Մենք Թուրքիայի թշնամին չենք»,-ասել է նա:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողան-Միցոտակիս հանդիպումից առաջ նախատեսված է նաև Հունաստանի արտաքին գործերի նախարար Յորգոս Գերապետրիտիսի այցը Թուրքիա։
Մասնագետների կարծիքով, ընթացիկ միտումների պահպանման դեպքում Թուրքիան 2025 թվականին կարող է դառնալ աշխարհի առաջատար զբոսաշրջային ուղղություններից մեկը:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Նշվում է, որ փառատոնը կտևի մինչև մայիսի 4-ը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |