Ավստրիան պահանջում է դադարեցնել Թուրքիայի եվրաանդամակցության բանակցությունները

Միջազգային13:56, 14 Դեկտեմբեր 2016

Ավստրիան պահանջում է դադարեցնել Թուրքիայի եվրաանդամակցության բանակցությունները

Եվրահանձնաժողովի նախագահ Ժան-Կլոդ Յունկերը վերահաստատել է, որ աջակցում է Թուրքիայի և Եվրամիության (ԵՄ) միջև փախստականների հարցով ձեռք բերված պայմանավորվածությունները:

Ըստ թուրքական «Ensonhaber» լրատվական կայքի՝ Յունկերն այս մասին հայտարարել է եվրախորհրդարանի նիստում ելույթի ժամանակ: Որպես իր դիրքորոշման փաստարկ՝ Յունկերը նշել է, որ մարտ ամսին ձեռք բերված պայմանավորվածության շնորհիվ յուրաքանչյուր օր Թուրքիայից Հունաստան անցնող փախստականների թիվը 10 հազարից նվազել է մինչև 90 մարդ:

Թուրքիա-ԵՄ համագործակցության հարցը քննարկվելու է դեկտեմբերի 15-ին կայանալիք ԵՄ անդամ երկրների նախագահների և կառավարության ղեկավարների վեհաժողովում:

Նշվում է, որ ԵՄ անդամ երկրների միջև այս հարցում տարաձայնություններ կան: Մասնավորապես Ավստրիան պահանջում է դադարեցնել Թուրքիայի եվրաանդամակցության բանակցությունները՝ որպես փաստարկ ներկայացնելով Թուրքիայում հուլիսի 15-ի ռազմական հեղաշրջումից հետո տեղի ունեցած զարգացումները:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: