Հոդված13:07, 12 Դեկտեմբեր 2016
Ամերիկացի գրող. «Թուրքիայի սահմանները շուտով կփոփոխվեն»
Ժամանակակից ամերիկացի գրող Մայքլ Ռուբինը կանխատեսում է Թուրքիայի մասնատումը: Թուրքական «Birgün.net» լրատվակայքի տեղեկացմամբ՝ Ռուբինն անգամ ավարտված է համարել Թուրքիայի մասնատման հոգեբանական փուլը:
Ամերիկացի գրողը, ով ավելի վաղ կանխատեսել էր նաև հուլիսի 15-ի հեղաշրջման փորձը, Թուրքիայում ընթացող զարգացումները համեմատում է Եթովպիայի, Սուդանի, Պակիստանի հետ, որոնց մասնատումից առաջացան նոր պետություններ՝ Էրիթրեան, Հարավային Սուդանը, Բանգլադեշը: Հեղինակը ընդգծում է, որ այս բոլոր դեպքերում ևս մասնատմանը նախորդեցին երկարատև քաղաքացիական պատերազմներ, եղան հազարավոր զոհեր, և որ ամենակարևորն է, դեռ մինչև փաստացի քաղաքական մասնատումը բնակչության միջև արդեն հոգեբանական օտարացում էր առաջացել:
«Նոր սերնդի թուրքերը քրդերին եթե ոչ թշնամի, ապա, ամեն դեպքում, օտար են համարում: Արևմտյան կենսաոճը նախընտրող թուրքերի մեծ մասը ոտք անգամ չի դրել Թուրքիայի հարավարևելյան շրջաններ: Իսկ այս շրջանում բնակվող քրդերի մեծ մասը երբեք չի այցելի Անթալիա, Բուրսա, Իզմիր: Թուրքիան հոգեբանական մասնատման գործընթացի մեջ է: Որոշակի պահի նույնիսկ Էրդողանը հասկացավ, որ նմանատիպ մասնատումը անխուսափելի է: Դա հասկանալի է նաև այն հանգամանքից, որ տնտեսական քաղաքականությունից հանվեցին քրդական շրջանները»:
Հեղինակը ուշադրություն է հրավիրում այն հանգամանքի վրա, որ Էրդողանը քրդերի նկատմամբ վարում է արյունոտ և ստորացուցիչ քաղաքականություն: Նա հիշեցնում է, որ Էրդողանը ընտրություններից առաջ հույս ուներ ստանալ քրդերի մեծ մասի քվեները, սակայն երբ հասկացավ, որ այդ քվեների կարիքը չկա, մոռացավ նրանց տված բոլոր խոստումները:
Ռուբինն իր հոդվածը եզրափակում է հետևյալ տողերով.
«Թուրքերը պետք է հաշտվեն իրականության հետ. Թուրքիան այժմ մասերի է բաժանված: Պետության սահմանները շուտով կփոփոխվեն: Միայն թե առայժմ անհայտ է՝ երկու առանձին պետություննե՞ր կառաջանան, թե՞ Թուրքիայի կազմում գտնվող ֆեդերացիա կստեղծվի: Գուցե Էրդողանը իրեն մեծ առաջնորդ կամ նոր Աթաթուրք է համարում, սակայն եթե Աթաթուրքը կառուցեց ժամանակակից Թուրքիան, ապա Էրդողանը այն կործանելուց բացի ուրիշ ոչինչ չարեց: Էրդողանը պատմության մեջ կմտնի ոչ թե որպես հերոս, այլ որպես հանուն իր գոռոզամտության Թուրքիան կործանած չարագործ»:
Այս ենթաբաժնի վերջին նորությունները
Թուրքական մեդիա տիրույթում հրապարակվել են տեղեկություններ, որոնք բացահայտում են Թուրքիայի իրական քաղաքական նպատակները:
Թուրք վերլուծաբանի դիտարկմամբ՝ Փաշինյանի հաղթանակը նշանակում է, որ հայ ժողովուրդը պատերազմ չի ուզում։
Յեթքինն հերթական սյունակում անդրադարձել է Թուրքիայի նախագահ Ռեջեփ Էրդողանի պետական կառույցների գործառույթները սահմանափակող կամ դրանք շրջանցելուն միտված քաղաքականությանը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Սաննա Մարին. «Սա կոշտ արձագանք է նախագահ Էրդողանի կողմից։ Սա շատ ցավալի իրավիճակ է»։
«Էրդողանն իր ճանապարհով է գնում ու Թուրքիային հեռացնում է Եվրոպայից և ժողովրդավարությունից»,գրում է «Südwest Presse» թերթը։
Նիշանյանի խոսքով՝ հույն պաշտոնյաները չեն բացահայտել իրենց որոշման պատճառը ՝ նշելով, որ դա պետական գաղտնիք է։
Էրդողանը կարգադրել էր «անցանկալի անձ» հայտարարել թուրք իրավապաշտպան, Հայոց ցեղասպանությունը ճանաչող Օսման Քավալային ազատելու կոչ արած 10 երկրի դեսպանի։
Թուրքիայի քաղաքացի. «Շատ տխրեցուցիչ է, որ ընդամենը մի փողոց Տատյան Էֆենդիի անունով կոչելը շատ է համարվում»։
Օրացույց
արտարժույթ
| EUR | TRY | USD |
| 549.84 | 90.05 | 485.12 |