Միջազգային08:55, 02 Դեկտեմբեր 2016
Economist. «Թուրքիայի եվրաինտեգրման ջանքերը միացված են արհեստական շնչառության սարքին»
Բրիտանական «Economist» ամսագիրն իր վերջին համարում անդրադարձել է Թուրքիա-Եվրամիություն հարաբերություններին: «Թուրքիայի եվրաինտեգրման ջանքերը միացված են արհեստական շնչառության սարքին» վերնագրով հոդվածում ասված է.
«Այսօր առկա հարաբերությունները երկար կյանք չունեն: Եվրոպան Թուրքիայի եվրաինտեգրմանը զրոյական աջակցություն է ցուցաբերում: Անդամակցության բանակցությունները ոչ մի արդյունք չեն տալիս: 10 տարում կողմերը 35 գլուխներից միայն 16-ն է բացել, իսկ 8 գլուխ ընդհանրապես փակվել է Թուրքիայի՝ Կիպրոսը ճանաչել չցանկանալու պատճառով: Կղզու հյուսիսային ու հարավային հատվածների վերամիավորման հարցի քննարկումը նոյեմբերի 22-ին վերջնականապես փակվեց»:
Ամսագիրը նշում է, որ Թուրքիայում հեղաշրջման փորձից հետո ծայր առած մասսայական ձերբակալությունները հակասում են ԵՄ օրենքներին, իսկ մահապատժի վերականգնման վերաբերյալ Թուրքիայի կառավարության կողմից կատարված հայտարարությունները Եվրախորհրդի համար «կարմիր գիծ են»:
Հոդվածի հեղինակը հիշեցնում է, որ Թուրքիան ցանկություն ունի միանալու «Շանհայի հնգյակին» և այդ նպատակով Էրդողանը նույնիսկ մտադիր է հանրաքվե անցկացնել: Մյուս կողմից, Թուրքիայի վերաբերյալ եվրոպական տարբեր գործիչների պարբերական հայտարարություններին ի պատասխան՝ պաշտոնական Անկարայի դիրքորոշումը գնալով ավելի ու ավելի թշնամական է դառնում:
«Էրդողանն արևմուտքին մեղադրում է «Քուրդիստանի բանվորական» կուսակցության (ՔԲԿ-PKK) և «Իսլամական պետության» (ԻՊ-IŞİD) հետ կապի մեջ: Արտգործնախարարը գլուխ է գովում, թե չի պատասխանել գերմանացի պաշտոնակցի հեռախոսազանգին: Իշխանամետ թերթերն առանց որևէ ապացույց ներկայացնելու գրում են, թե Արևմուտքը համախմբվել է Թուրքիայի դեմ:
Եվրոպացի դիվանագետները զգուշացնում են, որ հարաբերությունների կրած վնասն արդեն երբեք հնարավոր չէ լինի վերականգնել: Նրանցից մեկը նշել է. «Հարաբերությունները վերականգնելու միակ ճանապարհը բռնություններին վերջ տալն ու ձայնի տոնը իջեցնելն է: Այսպես շարունակելու դեպքում Թուրքիայի և ԵՄ-ի բաժանումը միայն ժամանակի խնդիր է»:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |