Միջազգային07:01, 25 Նոյեմբեր 2016
Ավստրիայի խորհրդարանն առաջարկել է արգելել զենքի վաճառքը Թուրքիային
Ավստրիայի խորհրդարանը միաձայն ընդունել է Թուրքիայի համար զենքի վաճառքի էմբարգո սահմանելու մասին բանաձևը: «Sputnik»-ի թուրքական ծառայության համաձայն՝ խորհրդարանի այս որոշման մասին Twitter-ի իր միկրոբլոգում գրառել է «Կանաչների» կուսակության պատգամավոր Բերիվան Ասլանը:
Բանաձևը նախապատրաստվել է Ավստրիայի խորհրդարանում ներկայացված բոլոր 6 կուսակցությունների համատեղ ջանքերով:
Ռազմամթերքի և արտաքին առևտրի մասին օրենքի սահմաններում բանաձևը նախատեսում է արգելել զենքի ու զինամթերքի վաճառքի թույլտվության տրամադրումը պատերազմող կամ պատերազմի նախաշեմին գտնվող երկրներին: Այդ համատեքստում առաջարկվել է արգելել զենքի վաճառքը Թուրքիային: Նշվում է, սակայն, որ այս որոշումը պարտադիր իրավական ուժ չունի:
«Կանաչների» կուսակցության պատգամավոր Պետեր Փիլզը ուշադրություն է հրավիրել այն հանգամանքին, որ Ավստրիան նմանատիպ որոշում կայացնող առաջին երկիրն է Եվրամիությունում: Պատգամավորը կոչ է արել մյուս անդամ երկրներին՝ խնդրի վերաբերյալ համապատասխան որոշումներ ընդունել:
Որպես բանաձևի ընդունման հիմնավորում մատնացույց են արվել Թուրքիայում ահաբեկչության դեմ պայքարի անվան տակ լրագրողների, գրողների, ակադեմիկոսների և ընդդիմադիրների դեմ իրականացվող գործողությունները, հեղաշրջման փորձից հետո հազարավոր մարդկանց աշխատանքից հեռացնելը և ռազմական գործողությունների արդյունքում խաղաղ բնակիչության զոհերի հանգամանքը:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Ռեջեփ Թայիփ Էրդողանը հեռախոսազրույց է ունեցել Կատարի էմիր շեյխ Թամիմ բին Համադ ալ Թանիի հետ։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |