Միջազգային09:49, 22 Նոյեմբեր 2016
Վաշինգտոնից պատասխանել են Էրդողանի հայտարարությանը
ԱՄՆ պետքարտուղարության մամուլի խոսնակ Ջոն Քիբրին անդրարարձել է Թուրքիայի նախագահ Ռեջեփ Թայիփ Էրդողանի այն հայտարարությանը, ըստ որի քանի դեռ ԱՄՆ-ը չի արտահանձնել Ֆեթուլլահ Գյուլենին, թուրք ժողովուրդը մտածելու է, որ հեղաշրջման փորձի հետևում ԱՄՆ-ն է կանգնած:
Ըստ թուրքական «Doğan» լրատվական գործակալության` Քիբրին Սպիտակ տանն անցկացվող ամենօրյա մամուլի ասուլիսի ժամանակ թեմայի վերաբերյալ հարցին ի պատասխան` ասել է, որ Թուրքիայի ԶԼՄ-ների մեծ մասը ոչինչ չի արել հանրության շրջանում նմանատիպ կարծիքի ձևավորումը կանխելու նպատակով:
«Ես չգիտեմ, թե ինչու է թուրք ժողովրդի մտքով նման բան անցնում: Սա զավեշտալի իրավիճակ է, ԱՄՆ-ն որևէ կապ չունի այդ իրադարձության հետ»,- հայտարարել է Քիբրին:
Վերջինս չի ցանկացել մեկնաբանություններ տալ Թուրքիայի իշխանությունների կողմից հեղաշրջման փորձը նախաձեռնելու մեջ մեղադրվող ամերիկաբնակ Ֆեթուլլահ Գյուլենի արտահանձնման վերաբերյալ` ասելով, որ հարցը վերաբերում է արդարադատության նախարարությանը:
Քիբրին նաև ավելացրել է, որ ԱՄՆ-ն աջակցում է ընտրությունների միջոցով և ժողովրդավարական ճանապարհով իշխանության եկած կառավարությանը:
Նշենք, որ Թուրքիայի նախագահ Ռեջեփ Թայիփ Էրդողանը ամերիկյան «CBS» հեռուստաընկերությանը տված հարցազրույցի ժամանակ մասնավորապես ասել էր.
«Հեղաշրջման փորձի համար ԱՄՆ-ին չեմ կարող մեղադրել, սակայն ժողովուրդս այսպես է մտածում` այդ դեպքում ինչու՞ եք այդ մարդուն (Գյուլեն-խմբ.) դեռ այդտեղ պահում: Կներեք, բայց թուրք ժողովրդի տեսակետն այդպիսինն է լինելու այնքան ժամանակ, քանի դեռ այդ մարդուն պահում եք այդտեղ»:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |