Հոդված08:47, 22 Նոյեմբեր 2016
Ըստ թուրք վերլուծաբանի՝ Հայոց ցեղասպանության սցենարը կրկնվելու է քրդերի դեպքում
Թուրքիայի կառավարությունը քրդերի հետ վարվում է ճիշտ այնպես, ինչպես ժամանակին հայերի հետ է վարվել: Այս մասին գրում է վերլուծաբան Էրգյուն Բաբահանը՝ թուրքական «Haberdar.com» լրատվակայքում հրապարակված «Քրդական հարցին՝ հայկական լուծում» հոդվածում:
«Այն ամենը, ինչ այսօր նրանք (Թուրքիայի կառավարությունը-խմբ.) անում են, ոչնչացնում է 1915թ. վերաբերյալ նրանց բոլոր փաստարկները: Քրդերի քաղաքները ռմբակոծվում են, հողին հավասարեցվում, խաղաղություն պահանջող ընտրյալ ներկայացուցիչները մեկ-մեկ կալանավորվում են, թերթերն ու մեդիան՝ լռեցվում: Քուրդ ժողովրդի հետ ուս ուսի տվող, իր իրավունքների համար պայքարել փորձող յուրաքանչյուր ոք բանտ է նետվում է»,- նկատել է տալիս հեղինակը:
Ահազանգում է, որ կառավարության անգիր արած բառապաշարում «խաղաղություն» և «հանգուցալուծում» բառերը չկան, կա միայն «ոչնչացում»:
«Փորձում են արմատախիլ անել քրդերին ճիշտ այնպես, ինչպես արմատախիլ են արել հույներին, հայերին, եզդիներին, ասորիներին»,- գրում է Բաբահանը:
Նրա կարծիքով՝ Թուրքիայում քաղաքացիական պատերազմի ծագման հավանականությունը մեծ չէ, բայց այ ցեղասպանություն՝ կարող է լինել:
«Պետությունն իր ունեցած ինքնաթիռները, տանկերը, գնդացիրները կգործադրի սեփական ինքնությունը պահպանել ցանկացող բոլոր քրդերին ոչնչացնելու համար, որոնք, իր կարծիքով, իր դեմ են պայքարում: Այդպես է վարվել հայերի հետ, այդպես կվարվի քրդերի հետ»:
Հեղինակի դիտարկմամբ՝ Էրդողանը ցանկանում է Թուրքիան վերածել մի տարածաշրջանի, որտեղ իշխում են անտրամաբանական օրենքները, խավարամտությունը, տգիտությունն ու թշվառությունը: Փորձ է արվում բռնությամբ ու արյամբ ճնշելու ամեն տեսակ ժողովրդավարության պահանջ, սեփական իրավունքները պաշտպանելու ամեն փորձ, ձգտում կա ոչնչացնել ընդդիմությունը:
«Մշտապես մասնատման մտավախություն ունեցող, անգամ «Միություն և առաջադիմություն» շարժման (İttihat ve Terraki) գաղափարախոսության կրողը հանդիսացող այս մոտեցումը ողջ երկիրը կարող է ճահճի վերածել:
Սիրիայից մինչև Իրաք ընկած ողջ տարածաշրջանում քրդերին թշնամի հռչակած այս մտածողությունը, ի վերջո, անխուսափելիորեն կհանգեցնի բախումնային ավարտի: Նման զարգացումների ավարտը քրդերի մեծամասշտաբ կոտորածն է լինելու, հարավարևելյան և արևելյան Անատոլիայի կրիտիկական շրջաններում քրդերի ոչնչացումը: Ակնհայտ է, որ նպատակը մեծածավալ գործողությունն է՝ 1915-ի կրկնությունն այսօրվա պայմաններում»:
Այս ենթաբաժնի վերջին նորությունները
Թուրքիայի արտգործնախարարը, իշխող կուսակցության խոսնակը հայտարարել են, որ աջակցում են Ադրբեջանին։
Արաբական մամուլում հրապարակվել է «Էրդողանն ակտիվ քայլեր է անում Միջին Ասիայում ազդեցությունը մեծացնելու ուղղությամբ» հոդվածը:
Թուրքական «Milliyet» թերթի վերլուծաբանն անդադարձել է այս օրերին տեղի ունեցող Թյուրքական պետությունների կազմակերպության գագաթնաժողովում ընդունվելիք որոշումներին:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Զորավարժությունը մասնակիցներ ունի 17 երկրից՝ ներառյալ Գերմանիայից, Ադրբեջանից, Մեծ Բրիտանիայից։
Թուրքիայի արտգործնախարար Մևլյութ Չավուշօղլուն արձագանքել է ԱՄՆ նախկին պետքարտուղար Մայք Պոմպեոյի twitter-յան գրառմանը։
Նշվում է, որ իշխանության ղեկին մնալու համար նա կոնֆլիկտներ է հրահրում Սիրիայում և Գերմանիայում։
Նա հոդվածում նշել է, որ Թուրքիան դաշնակից երկիր է, ՆԱՏՕ-ի անդամ, սակայն իրեն այդ դաշինքի անդամ պետության նման չի դրսևորում։
Այս չեղարկումները տեղի են ունենում Թուրքիայի ու սկանդինավյան երկու երկրների միջև լարված հարաբերությունների համատեքստում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |