Հասարակական11:16, 17 Նոյեմբեր 2016
Պոլսի Հայոց պատրիարքի ընտրությունն անցկացնելու դիմումը դեռ չի ներկայացվել թուրքական իշխանություններին
Պոլսի Հայոց պատրիարքի ընտրությունները սկսելու համար Ստամբուլի նահանգապետարանին ուղարկվելիք նամակն արդեն պատրաստ է:
Այս մասին «Ակօս» շաբաթաթերթին հայտնել է հոգևոր խորհրդի նախագահ Սահակ եպիսկոպոս Մաշալյանը: Նա նշել է, որ համապատասխան հանձանաժողովը նահանգապետարան ուղարկվելիք նամակն արդեն պատրաստել է: Պատրիարքի փոխանորդ Արամ արքեպիսկոպոս Աթեշյանի հետ այն կստորագրեն և միասին կդիմեն նահանգապետարան:
«Նահանգապետարանը հանդիպման օր նշանակելուց հետո Արամ սրբազանի հետ մեր դիմումը կներկայացնենք: Եթե Արամ սրբազանը թույլ տա, դիմումի ներկայացմանը կարող են աշխարհիկ ներկայցուցիչներ ներկա գտնվել: Այդպիսով, ընտրական գործընթացը պաշտոնապես սկսված կլինի»:
Սահակ եպիսկոպոսն ընդգծել է, որ նահանգապետարանին ուղղված նամակում ոչ թե ընտրություն անցակցնելու խնդրանք է ներկայացվում, այլ տեղեկացվում է ընտրական գործընթացը սկսելու մասին:
«Նահանգապետարանից, միայն ժողովրդական ընտրության համար ընթացակարգերը գործարկելու թույլտվություն ենք ուզում»,-նշել է եպիսկոպոսը:
Նրա տեղեկացմամբ՝ նախատեսվում է, որ հանձնաժողովի կազմած նամակն Արամ Աթեշյանի հետ կստորագրեն ուրբաթ օրը:
Հոգևոր խորհրդի նախագահն անդրադարձել է պատրիարքական տեղապահ ընտրելու հարցին և դրա շուրջ առաջացած քննարկումներին: Նա նշել է, որ 1863 թվականին հայերի ընդունած սահմանադրության համաձայն տեղապահի ընտրություններ կատարվել են, սակայն եղել են դեպքեր, երբ այդ մեթոդը չի կիրառվել: Այդպիսի դեպքերում պատրիարքի ընտրությունները միասնաբար անցկացրել են պատրիարքի փոխանորդը և հոգևոր խորհրդի նախագահը:
«Պատրիարքական տեղապահի հարցը օրակարգ չենք բերում, նավը ավելորդ ցնցումների չենթարկելու համար: Ընտրական գործընթացում խոչընդոտներ ի հայտ գալու դեպքում կարող ենք դիմել այդ բանաձևին, սակայն այս պահին գործընթացում խնդիրներ չկան»:
Հիշեցնենք, որ հոկտեմբերի 27-ին Պոլսի Հայոց պատրիարքության հոգևոր խորհուրդը, ելնելով եկեղեցական ավանդույթներից բխող դրույթներից, որոշում էր կայացրել պաշտոնաթող անել ներկայիս Պատրիարք Մեսրոպ Բ Մութաֆյանին: Պատրիարք Մութաֆյանը 2008 թվականից ի վեր անբուժելի հիվանդության պատճառով գտնվում է հիվանդանոցում:
Հոգևոր խորհրդի կողմից արված հայտարարության մեջ նշվում էր, որ քանի որ այսուհետ պատրիարքի աթոռը թափուր է մնում, որպես հաջորդ քայլ իրենք կդիմեն պատկան մարմիններին նոր պատրիարքի ընտրություն անցկացնելու թույլտվություն ստանալու նպատակով:
Այս ենթաբաժնի վերջին նորությունները
Ֆորումի բացման արրաողությանը ելույթ կունենան Թուրքիայի նախագահականի հանրային կապերի վարչության ղեկավար Ֆահրեթին Ալթունը և Անկարայում Չինաստանի դեսպան Լյու Շաոբին։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Ամերիկյան «Forbes» բիզնես-ամսագիրը հրապարակել է Թուրքիայի 30 միլիարդատատերերի ցանկը:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անտառային հրդեհները դեռևս չի հաջողվում վերասհկողության տակ առնել, նույնսիկ չվերթներ են հետաձգվել։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
Մեծ Բրիտանիայի արտաքին գործերի նախարար Դեյվիդ Լեմմին պաշտոնական այցով մեկնել է Թուրքիա և հանդիպել Հաքան Ֆիդանի հետ։
Էրդողանը պիտի մասնակցի «Տնտեսական համագործակցության կազմակերպության» (ECO) անդամ երկրների 17-րդ գագաթնաժողովին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |