Միջազգային07:46, 08 Նոյեմբեր 2016
Գերմանացի պատգամավորները պահանջում են դադարեցնել Թուրքիա-Եվրամիություն անդամակցության բանակցությունները
Թուրքիայի ընդդիմադիր «Cumhuriet» թերթի 9 լրագրողների և քրդամետ «Ժողովուրդների դեմոկրատական» կուսակցության (ԺԴԿ-HDP) 2 համանախագահների ու 7 պատգամավորների բանտարկությունը դժգոհությունների ալիք է առաջացրել Եվրոպայում:
Թուրքական «Haber.sol.org» լրատվակայքի տեղեկացմամբ՝ գերմանացի քաղաքական գործիչները ևս շարունակում են քննադատություններ հնչեցնել Թուրքիայում ընդդիմության դեմ գործադրվող բռնությունների ու ճնշումների առթիվ:
Գերմանիայի խորհրդարանի «Սոցիալ-դեմոկրատական կուսակցության (SPD) խմբակցության ղեկավար Թոմաս Օպերմանը հայտարարել է, որ Թուրքիայում հետզհետե սաստկացող ավտորիտար միտումների պատճառով այս երկրի եվրաինտեգրման բանակցությունները կարող են սառեցվել:
«Չպիտի ակնկալել, որ ընդդիմությանը բանտերում պահող երկիրը կարող է շարունակել բանակցությունները ԵՄ-ի հետ», - հայտարարել է Օպերմանը:
Օպերմանի խոսքով՝ այլևս անհնար է ուղղակի դիտել, թե ինպես է ընդդիմություն այս երկում համակարգված ձևով լռեցվում, իսկ Եվրամիությունն էլ չի կարող ձևացնել, թե ոչինչ տեղի չի ունենում: Գերմանացի պատգամավորը շեշտել է, որ Թուրքիայի հետ կարելի է շարունակել միայն անվտանգության ոլորտում համագործակցությունը՝ ՆԱՏՕ-ի շրջանակներում:
Իսկ Գերմանիայի կառավարության խոսնակ Շտեֆան Սայբերտը նշել է, որ եթե Թուրքիայում վերականգնվի մահապատիժը, ապա եվրաինտեգրման գործընթացի դադարեցումը անխուսափելի կլինի:
«Ձախերի» կուսակցության խորհրդարանական խմբակցության արտաքին հարաբերությունների խոսնակ Սեվիմ Դաղդելենն էլ թեմայի վերաբերյալ հրապարակած գրավոր հայտարարությունում շեշտել է, որ Էրդողանը վաղուց է հատել թույլատրելիի սահմանը: Նա հայտարարել է, որ լրագրողներին ու պատգամավորներին բանտարկող երկիրը չի կարող Գերմանիայի դաշնակիցը լինել: Դաղդելենը պահանջել է դադարեցնել Թուրքիայի հետ բանակցությունները, ինչպես նաև՝ պատժամիջոցներ կիրառել Էրդողանի և նրա համախոհների դեմ:
«Կանաչների» կուսակցության պատգամավոր և խորհրդարանի փոխնախագահ Կլաուդիա Ռոթն էլ հայտարարել է, որ պետք է չեղարկել Թուրքիայի հետ փախստականների վերաբերյալ համաձայնագիրը: Նրա կարծիքով՝ Թուրքիան մի երկիր է, որ մեծ արագությամբ վերածվում է բռնապետության:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |