Միջազգային11:38, 07 Նոյեմբեր 2016
Եվրամիությունը կարող է տնտեսական պատժամիջոցներ կիրառել Թուրքիայի դեմ
Լյուքսեմբուրգի արտգործնախարար Ժան Ասելբորնը խստորեն քննադատել է Թուրքիայում տեղի ունեցող վերջին քաղաքական իրադարձությունները: «Deutsche Welle»-ի թուրքական ծառայության տեղեկացմամբ՝ Ասելբորնը նշել է, որ Եվրամիությունը կարող է օրակարգ բերել այս երկրի նկատմամբ տնտեսական պատժամիջոցներ կիրառելու հարցը: Նախարարը հիշեցրել է, որ Թուրքիայից արտահանվող ապրանքների կեսը ուղղվում է դեպի եվրոպական երկրներ, իսկ Թուրքիայում կատարվող ներդրումների 60 տոկոսը գալիս է հենց Եվրամիությունից:
Ասելբորնը շեշտել է, որ վերջին շրջանում Թուրքիայում տեղի ունեցող քաղաքական զարգացումների լույսի ներքո այս տնտեսական ցուցանիշները կարող են օգտագործվել որպես Անկարայի վրա ճնշում գործադրելու միջոց:
Լյուքսեմբուրգի ԱԳ նախարարը նկատել է տվել, որ Էրդողանն ինքն իրեն ընկալում է որպես բացարձակ ուժ և անտեսում է իրավական պետության բոլոր կանոնները: Ասելբորնը նշել է, որ ստեղծված իրավիճակը հարիր չէ Եմ անդամակցության ձգտող պետությանը: Նրա կարծիքով՝ Թուրքիան «քաղաքական մահվան» ժամանակաշրջան է ապրում, իսկ քաղաքացիների հանդեպ կիրառվում են ֆաշիստական մեթոդներ:
Իսկ Գերմանիայի խորհրդարանի փոխնախագահ Կլաուդիա Ռոթը, խստորեն քննադատելով Թուրքիային, առաջարկել է չեղարկել գաղթականների վերաբերյալ ԵՄ-Թուրքիա համաձայնագիրը: Ըստ նրա՝ Թուրքիան արագորեն վերածվում է բռնապետության, իսկ Էրդողանը փորում է ժողովրդավարության և օրենքի պետության գերեզմանը:
Թուրքիային ուղղված քննադատություններ է հնչեցրել նաև Ավստրիայի ԱԳ նախարար Սեբաստիան Քուրցը: Նա շեշտել է, որ լրագրողներին ու ընդդիմադիր առաջնորդներին բանտարկող պետությունը տեղ չունի Եվրամիությունում:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |