Թուրքական ոստիկանությունը ուժ է կիրառում քրդամետ ցույցերի դեմ

Տարածաշրջան13:55, 04 Նոյեմբեր 2016

Թուրքական ոստիկանությունը ուժ է կիրառում քրդամետ ցույցերի դեմ

Թուրքական ոստիկանությունը ուժով ցրել է ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահներ Սելահեթթին Դեմիրթաշի և Ֆիգեն Յուքսեքդաղի, ինչպես նաև կուսակցության մեկ տասնայկ պատգամավորների ձերբակալությունների դեմ մայրաքաղաք Անկարայում բողոքի ցույց անողներին:

Ըստ թուրքական «Demokrathaber.org» լրատվական կայքի` ոստիկանները նախ շրջապատել են ցուցարարների գտնված պողոտան, այնուհետև գազային ռումբերի կիրառմամբ ցրել են նրանց, որոնք հիմնականում եղել են արհմիությունների «DİSK» «KESK» ֆեդերացիաների ու քրդամետ կուսակցության անդամներ ու համակիրներ:

Նշվում է, որ ոստիկանության միջամտության ընթացքում վնասվածքներ են ստացել ցույցին մասնակցող կազմակերպությունների մի քանի ղեկավարներ: Հաղորդվում է առնվազն 6 ձերբակալվածի մասին:

Թուրքական աղբյուրի հաղորդմամբ` ոստիկանությունը ուժ է գործադրում նաև երկրի տարբեր շրջաններում ի պաշտպանություն քրդամետ կուսակցության ձերբակալված անդամների անցկացվող բողոքի ցույցերի մասնակիցների նկատմամբ:

Անթալիայում անցկացվող բողոքի ակցիայի մասնակիցների շրջանում կա 7 ձերբակալված, բազմաթիվ ձերբակալվածներ կան Այդընում ու Դիդեմում տեղի ունեցող ցույցերի մասնակիցների շրջանում:

Ուժ է կիրառվել նաև Ստամբուլի Քադըքյոյ թաղամասում տեղի ունեցած ակցիայի մասնակիցների նկատմամբ, իսկ Թուրքիայի քրդերի կենտրոնը համարվող Դիարբեքիր քաղաքի արդարադատության պալատի դիմաց շարունակվում է ժողովրդի կուտակումը:

Նշեք, որ այսօր քրդամետ կուսակցության ձերբակալված 12 պատգամավորնեիրց 5-ի, այդ թվում կուսակցության համանախագահներ Դեմիրթաշի և Յուքսեքդաղի վերաբերյալ կալանավորման որոշում է կայացվել:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։