Հայ-թուրքական պայքարը՝ Ցեղասպանության մասին պատմող ֆիլմի շուրջ

Ցեղասպանություն07:15, 26 Հոկտեմբեր 2016

Հայ-թուրքական պայքարը՝ Ցեղասպանության մասին պատմող ֆիլմի շուրջ

Հայոց ցեղասպանության մասին պատմող «Խոստում» ("The Promise") ֆիլմը հայերի և թուրքերի միջև պայքարի հերթական առիթն է դարձել: Թեմային անդրադարձել է թուրքական «Sabah» թերթի թղթակից Մևլութ Թեզերը:

Թուրք լրագրողն արձանագրում է, որ մինչ օրս «Խոստում» ֆիլմը ցուցադրվել է ընդամենը 3 անգամ, սակայն հոկտեմբերի 25-ին ժամը 13:00-ի դրությամբ ֆիլմերի խոշորագույն բազա հանդիսացող «Internet Movie Database» (IMDb) կայքում ֆիլմի համար քվեարկել էր 86.704 մարդ: Հոկտեմբերի 25-ին ֆիլմի միջին գնահատականը 10 հնարավորից 4.1 միավոր է: Ընդ որում, ֆիլմի համար քվեարկողների 35.3 տոկոսը (30.639 մարդ) այն գնահատել է 10 միավորով, իսկ 63.3 (55.126 մարդ) տոկոսը՝ 1 միավորով:

Ինչպես նկատում է հեղինակը՝ սա ակնհայտորեն վկայում է, որ թե հայկական, թե թուրքական կողմը ֆիլմի քվեարկության հետ կապված արշավ են սկսել: Թուրքական օնլայն -բառարան կայքերում նույնիսկ «"The Promise"-ին ցածր գնահատական տանք» վերնագրով էջեր են ստեղծվել:

Թեև այս պահին թուրքական կողմի նախաձեռնությունը թվացյալ հաջողության մեջ է, այնուամենայնիվ, իրավիճակն ամեն պահ կարող է փոխվել: Դա է վկայում նաև այն փաստը, որ արդեն հոկտեմբերի 26-ի ժամը 11:00-ի դրությամբ ֆիլմի գնահատականը կազմում է 4.2 միավոր, իսկ քվեարկողների ընդհանուր թիվը հասել է 87.664-ի:

Հիշեցնենք, որ երջանկահիշատակ ամերիկահայ բարերար Քըրք Քըրքորյանի ֆինանսավորմամբ նկարահանված «Խոստում» ֆիլմի վրա պրոֆեսիոնալ թիմ է աշխատել: Ֆիլմի ռեժիսորը օսկարակիր Թերի Ջորջն է, գլխավոր դերերում՝ Քրիստիան Բեյլը, Օսկար Այզեկը, Շառլոտա Լե Բոն, Անժելա Սարաֆյանը, Ջեյմս Քրոմվելը: Ֆիլմի սաունդթրեքի հեղինակը աշխարհահռչակ հայ երաժիշտ Սերժ Թանկյանն է:

Ֆիլմի հիմքում մի սիրո պատմություն է, իրադարձությունները զարգանում են Հայոց ցեղասպանության ժամանակահատվածում: «Խոստումի» համաշխարհային պրեմիերան տեղի է ունեցել 2016թ. սեպտեմբերի 11-ին՝ Տորոնտոյի միջազգային կինոփառատոնում:

Աղբյուր` Ermenihaber.am

Այս ենթաբաժնի վերջին նորությունները

15:14, 29 ապր

Հայոց ցեղասպանություն. արդեն 1 դար ու 10 տարի

Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:

14:02, 28 ապր

Ջորջ Ասլանը Հայոց ցեղասպանության թեմայով արտահերթ ելույթ է ունեցել Թուրքիայի խորհրդարանում

«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։

12:51, 25 ապր

Անկարայի քաղաքապետ. «Մերժում ենք Թրամփի, բոլոր նրա նախորդների և մյուս արևմտյան առաջնորդների ապրիլքսանչորսյան հայտարարությունները»

Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Անիի Մայր տաճարը վերանորոգումից հետո կգործի որպես թուրքական մզկիթ

Բացարձակապես չի նշվում, որ միջնադարյան այդ քաղաքն ու եկեղեցին հայկական են։

Պատրիարք Մաշալյան. «Եթե Ստամբուլում լինեի, կընդունեի Փաշինյանին և կհայտնեի իմ առարկությունները»

Պատրիարքարանի փակ լինելու վերաբերյալ Մաշալյանն ասել է, որ այդ հարցում Հայաստանը թույլ էր տվել արարողակարգային սխալ:

Էրդողան. «Կովկասը դառնալու է խաղաղության կենտրոն»

Այդ մասին հայտարարել է Թուրքիայի նախագահը Ադրբեջանի կողմից օկուպացված Ստեփանակերտում «Տնտեսական համագործակցության կազմակերպության» 17-րդ գագաթնաժողովի շրջանակներում։