Թուրք հայտնի մարզիկը հայհոյել է իր ժողովրդին

Հասարակական12:51, 19 Հոկտեմբեր 2016

Թուրք հայտնի մարզիկը հայհոյել է իր ժողովրդին

Թուրքիայում մեծ աղմուկ է բարձրացրել համացանցում հայտնված տեսահոլովակը, որում «Survivor» հեռուստանախագծի հաղթող, հայտնի բռնցքամարտիկ Աթաքան Արսլանը հայհոյում է թուրք ժողովրդին: Տեսահոլովակում չեմպիոնական գոտին կրող Արսլանը «Թուրք ժողովրդին ի՞նչ ուղերձ կհղեք» հարցին ի պատասխան` հայհոյել է իր ազգակիցներին:

Ըստ թուրքական «Haberler.com» լրատվական կայքի` բարձրացած աղմուկից հետո Արսլանը սոցցանցերում կատարած գրառմամբ կտրականապես հերքել է այն փաստը, թե հայհոյանքն ուղղված է թուրք ժողովրդին: Նա նշել է, որ կրած ականջակալների պատճառով սխալ է հասկացել հարցը ու իր ժողովրդին հայհոյելու նպատակ չի ունեցել:

Թուրքական «Kanal D» հեռուստաընկերությունը հեռարձակել է չմոնտաժված տեսանյութը, որտեղ երևում է, որ ականջակալները չեն խանգարում Արսլանին, եւ վերջինս լավ լսում է հարցը: Վիդեոյի հրապարակումից հետո թուրքական մեդիադաշտում կրկին թեժացել են թեմայի վերաբերյալ քննարկումները:

Աղբյուր` Ermenihaber.am

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։