Տարածաշրջան09:57, 18 Հոկտեմբեր 2016
Իրաքի վարչապետը՝ Էրդողանին. «Իսկ դուք Թուրքիայի քրդերին քաղաքական իրավունքներ տվե՞լ եք»
Իրաքի վարչապետ Հայդար Իբադին և Թուրքիայի նախագահ Ռեջեփ Թայիփ Էրդողանը շարունակում են փոխադարձ մեղադրանքներ և վիրավորանքներ հնչեցնել: Թուրքական «Demokrathaber» լրատվական կայքը հայտնում է, որ Իբադին Բաղդադում օտարերկրյա առաքելությունների ներկայացուցիչների և դեսպաններ հետ հանդիպման ժամանակ պատասխանել է Էրդողանի մեղադրանքներին, թե Իրաքում քրդերին ասիմիլացնելու քաղաքականություն է իրականացվում:
Իբադին, խոսքն ուղղելով Էրդողանին, հետևյալ հարցն է բարձրացրել. «Էրդողանն ասում է, թե Իրաքի քրդերը ձուլման են ենթարկվում: Լավ, ես էլ հարցնում եմ. իսկ դուք Թուրքիայի քրդերին ռազմական և քաղաքական իրավունքներ տվե՞լ եք»:
Հանդիպման ընթացքում վարչապետ Իբադին անդրադարձել է նաև Թուրքիայի՝ Իրաքի հանդեպ քաղաքականությանը, նշելով, որ թուրքերի դիրքորոշումը և որոշ դեպքերում լարվածության սրումը լավատեսություն չեն ներշնչում: Նա նաև նշել է, որ նախազգուշացրել են Թուրքիային չխախտել Իրաքի ինքնիշխանությունը:
Իբադին Թուրքիայի քաղաքականությունը նմանեցրել է Իրաքի նախկին բռնապետ Սադամ Հուսեինի քաղաքկանությանը՝ ասելով. «Թուրքիան իր ներքին խնդիրները դուրս արտահանելու տեսանկյունից Սադամ Հուսեյինի քաղաքականությունն է որդեգրել: Մենք պաշտոնապես թույլտվություն չենք տվել, որ թուրք զինվորները Իրաքի տարածքում գտնվեն: Մենք պահանջել ենք, որ հարգեն Իրաքի ինքնիշխանությունը և անմիջապես դուրս բերեն իրենց զինվորներին երկրի հյուսիսային շրջաններից: Տարածաշրջանում թուրք զինվորիների ներկայությունը վնաս է հասցնելու երկու երկրների հարաբերություններին»:
Հիշեցնենք, որ Էրդողանի և Իբադիի միջև տարաձայնությունները սկսվել էին այն բանից հետո, երբ վերջինիս Թուրքիայից պահանջել էր դուրս բերել զորքերը Իրաքի Բաշիքա շրջանից: Այս պահանջին բավականին խիստ էր արձագանքել Թուրքիայի նախագահը, որն Իբադիին դիմելով ասել էր. «Դու իմ զրուցակիցը չես, իմ մակարդակին, որակին չես: Իրաքում քո գոռում-գոչյունը մեզ համար կարևոր չէ: Ո՞վ է սա: Թող նախևառաջ իր չափը ճանաչի»:
Այս ենթաբաժնի վերջին նորությունները
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Տեղացիները նշում են, որ նախկինում գյուղից-գյուղ գնում էին նավակով, իսկ այժմ՝ ոտքով։
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի նախագահը հեռախոսազրույց է ունեցել ԱՄԷ-ի իր գործընկերոջ հետ:
Թուրքիայի իշխանությունների «ահաբեկչության դեմ պայքարի» քաղաքականությունը զգալիորեն ընդլայնել է էրդողանական վարչակարգի լեգիտիմության հիմքերը։
Թեմային անդրադարձել է Թուրքիայի պաշտպանության նախարար Յաշար Գյուլերը։
Սենատի արտաքին հարաբերությունների հանձնաժողովի նախագահ Ջեյմս Ռիշը նշել է, որ վճռական է տրամադրված այդ հարցում։
Ադրբեջանի նախագահը նշել է, որ գազամատակարարումը նախատեսվում է իրականացնել մոտ ապագայում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |