Գերմանիայում Թուրքիայի դեսպանը Անկարայից վերադարձել է Բեռլին

Միջազգային07:04, 07 Հոկտեմբեր 2016

Գերմանիայում Թուրքիայի դեսպանը Անկարայից վերադարձել է Բեռլին

Բունդեսթագի կողմից Հայոց ցեղասպանության ճանաչումից հետո հետ կանչված Թուրքիայի դեսպանը վերադարձել է Գերմանիա: Թուրքական «Hürriyet» թերթի կայքի տեղեկացմամբ՝ ուղիղ 4 ամիս և 4 օր Գերմանիայում Թուրքիան ներկայացված էր ընդամենը հավատարմատարի մակարդակով:

Դեսպան Հյուսեյին Ավնի Կարսլըօղլուն Բեռլինում կպաշտոնավարի շատ կարճ ժամանակով: Դեսպանների վերաբերյալ ավելի վաղ հրապարակված որոշման համաձայն Բեռլինի դեսպան է նշանակվել Ալի Քեմալ Այդընը: Մինչ Այդընի նշանակման հրամանի հաստատումը Կարսլըօղլուն մնա Բեռլինում:

Բեռլին վերադարձած թուրք դեսպանին դիմավորել են հավատարմատար Ուֆուք Գեզերը և Բեռլինի գլխավոր հյուպատոս Բաշար Շենեն:

Հիշեցնենք, որ Գերմանիայի դաշնային խորհրդարանը հուլիսի 2-ին հաստատել էր Հայոց ցեղասպանությունը ճանաչող ու դատապարտող բանաձևը: Դրանից հետո Գերմանիայում Թուրքիայի դեսպան Կարսլըօղլուն անմիջապես Անկարա էր կանչվել: Նա Թուրքիա էր մեկնել հենց հուլիսի 2-ին՝ առաջին իսկ ինքնաթիռով:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: