Միջազգային06:39, 06 Հոկտեմբեր 2016
Նիգերիան Թուրքիայից պահանջում է ներողություն խնդրել
Թուրքիայում ահաբեկչական կառույց համարվող գյուլենական համայնքի դեմ տարվող հետապնդումների պատճառով լարվել են Թուրքիայի և Նիգերիայի հարաբերությունները: Թուրքական «Milliyet» թերթի կայքի տեղեկացմամբ՝ Թուրքիայում ձախողված հեղաշրջման փորձից հետո փակված Ֆաթիհ համալսարանի երկու նիգերիացի ուսանողներ ձերբակալվել և բանտարկվել են Սիլիվրիի բանտում:
Եվս 50 նիգերիացի ուսանող ձերբակալվել է հոկտեմբերի 1-ին՝ Ստամբուլի Աթաթուրք օդանավակայանում: Այնուհետև Նիգերիայի քաղաքացիները արտաքսվել են Թուրքիայից: Դրանից հետո Նիգերիայում Թուրքիայի դեսպանը կանչվել է արտգործնախարարություն և նրանից վերոնշյալ դեպքերի առթիվ բացատրություններ են պահանջվել:
Նիգերիայի ներկայացուցիչների պալատը խնդրի քննարկման համար արտահերթ նիստ է գումարել՝ պահանջելով, որպեսզի Թուրքիան ներողություն խնդրի անհիմն ձերբակալությունների և բանտարկությունների համար: Նիգերիայի կառավարությունը սպառնացել է, որ հակառակ դեպքում իրենք էլ կարող են նման վերաբերմունք դրսևորել Թուրքիայի քաղաքացիների նկատմամբ:
Նիգերիայի ներկայացուցիչների պալատի սփյուռքի հետ հարաբերությունների հանձնաժողովի նախագահ Ռիտա Օրժին նշել է, որ փակված Ֆաթիհ համալսարանում 102 երկրից եկած ուսանողներ են եղել, սակայն նման վերաբերմունքի են արժանացել միայն նիգերիացի ուսանողները:
Օրժիի կարծիքով՝ Թուրքիայի իշխանությունների նման պահվածքը պայմանավորված է այն հանգամանքով, որ Թուրքիան ավելի վաղ Նիգերիայից պահանջել էր փակել 17 դպրոց, որոնք, թուրքական կողմի պնդմամբ, ծառայում են գյուլենական համայնքին: Սակայն Նիգերայի կառավարությունը մերժել էր այս պահանջը: Նիգերիացի գործիչը կոչ է արել անմիջապես ազատ արձակել Սիլիվրիում բանտարկված ուսանողներին:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |