Միջազգային08:34, 06 Հոկտեմբեր 2016
Իրաքի կառավարությունը Թուրքիայի դեմ բողոք է ներկայացրել ՄԱԿ
Թուրքական զորախումբն Իրաքի տարածքից դուրս չբերելու պատճառով 2 երկրների միջև առաջացած լարվածությունը շարունակում է խորանալ: Ըստ թուրքական «Haberler.com» լրատվական կայքի` այսօր Իրաքի կառավարությունը պաշտոնապես դիմել է ՄԱԿ-ին` բողոքելով Իրաքի տարածքում Թուրքիայի անօրինական գործողությունների դեմ:
Նախօրեին Իրաքի խորհրդարանն էր հայտարարություն ընդունել, որում անընդունելի էր համարել իրաքյան Մոսուլ քաղաքի մոտակայքում գտնվող Բաշիքա շրջանում թուրքական զորքերի առկայությունը: Թուրքական զորքերը օկուպանտ ուժեր համարող ու կառավարությունից դրանց դուրսբերմանն ուղղված անհապաղ քայլեր պահանջող հայտարարությունից հետո Անկարայում Իրաքի դեսպանը կանչվել էր Թուրքիայի արտգործանախարարություն: Բաղդադն էլ իր հերթին Թուրքիայի դեսպանին էր կանչել Իրաքի ԱԳՆ:
Իրադարձությունների նման զարգացման ֆոնին ուշագրավ հայտարարություն է արել «Իսլամական պետություն» (ԻՊ) ահաբեկչական կազմակերպության դեմ պայքարում ԱՄՆ-ի գլխավորած միջազգային կոալիցիայի խոսնակ գնդապետ Ջոն Դորրիանը: Վերջինս թուրքական զորքերի` Իրաքում գտնվելը համարել է անլեգալ, քանի որ դրանք այդ երկրի տարածք են մտել առանց Բաղդադի կենտրոնական իշխանությունների թույլտվության:
Հիշեցնենք, որ 2015թ. դեկտեմբերի 10-ին թուրքական զորաջոկատներն առանց Իրաքի կենտրոնական իշխանությունների թույլտվության ներխուժել էին իրաքյան Քուրդիստանի Մոսուլ քաղաքից 30կմ հեռավորության վրա գտնվող Բաշիքա շրջան և հաստատվել ավելի վաղ թուրքերի կողմից հիմնած ռազմակայանում: Թուրքական կողմի պնդմամբ` իրենց զորախումբը նպատակ ունի մարզել իրաքյան Քուրդիստանի զինված ուժերի` Փեշմերգայի զորաջոկատները` «Իսլամական պետություն» (ԻՊ) ահաբեկչական կազմակերպության դեմ մղվող մարտերի համար:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |