Գերմանական պատվիրակությունը Թուրքիայում այցելել է հայկական գյուղ և եկեղեցի

Միջազգային12:44, 04 Հոկտեմբեր 2016

Գերմանական պատվիրակությունը Թուրքիայում այցելել է հայկական գյուղ և եկեղեցի

Թուրքական «Haberler» լրատվակայքի տեղեկացմամբ՝ Ինջիրլիքի ռազմաբազայի այցի շրջանակներում Թուրքիայում գտնվող գերմանացի պատգամավորներն այցելել են նաև Հաթայի Սամանդաղ շրջանի Վաքըֆլը գյուղ, որը հիմա հայտնի է որպես Թուրքիայի միակ հայկական գյուղը:

Գերմանիայի պատվիրակությանը ներկայացվել է հայկական գյուղի և եկեղեցու պատմությունը: Տեղի թանգարանի պատասխանատու Քուհար Քարթունը մասնավորապես տեղեկացրել է, որ Վաքըֆլըի հայկական եկեղեցին վերանորոգվել է 1997թ.: Գյուղի բնակիչները հայեր են՝ քրիստոնյաներ: Ընդհանուր առմամբ այստեղ բնակվում է 130 մարդ (35 ընտանիք): Վաքըֆլըի պատմությունը սկիզբ է առնում 1300-ական թվականներից:

Պատվիրակության անդամների հարցին ի պատասխան՝ Քարթունը տեղեկացրել է, որ եկեղեցին բաց է ուխտավորների համար, այստեղ հիմնականում կիրակի օրեր են այցելություններ լինում: Թանգարանի պատասխանատուն նաև նշել է, որ Վաքըֆլըի եկեղեցին գտնվում է Պոլսո Հայոց Պատրիարքարանի ենթակայության ներքո:

Հիշեցնենք, որ հուլիսի 2-ին Գերմանիայի դաշնային խորհրդարանը գրեթե միաձայն հաստատել էր Հայոց ցեղասպանությունը ճանաչող և դատապարտող բանաձևը: Բանաձևի ընդունումից հետո Թուրքիան արգելել էր գերմանական կողմին՝ այցելել Ինջիրլիքի ռազմաբազայում ծառայող գերմանացի զինվորներին:

Ավելի ուշ Ինջիրլիքի այցի թույլտվության դիմաց Թուրքիան պահանջեց Գերմանիայից՝ հրաժարվել Հայոց ցեղասպանության բանաձևից: Գերմանիան, թեև բանաձևից չհրաժարվեց, սակայն կանցլեր Մերկելը հայտարարեց, որ Բունդեսթագի ընդունած բանաձևը իրավական պարադիր ուժ չունի: Այս հայտարարությունից հետո Թուրքիան, ի վերջո, եռամսյա դադարից հետո թույլ տվեց գերմանացիներին՝ այցելել Ինջիրլիքում գտնվող 250 գերմանացի զինվորներին:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: