Հոլանդիան պահանջում է դադարեցնել ԵՄ-ից Թուրքիային տրվող օգնությունը

Միջազգային08:38, 28 Սեպտեմբեր 2016

Հոլանդիան պահանջում է դադարեցնել ԵՄ-ից Թուրքիային տրվող օգնությունը

Նիդերնլանդների խորհրդարանը սեպտեմբերի 27-ին տեղի ունեցած նիստի ժամանկ քննարկել է Թուրքիային առնչվող մի շարք հարցեր:

Մասնավորապես, ինչպես տեղեկացնում է BBC Türkçe լրատվակայքը, գլխավոր ընդդիմությունը ներկայացնող «Սոցիալիստական կուսակցությունն» ու «Քրիստոնեական միություն» կուսակցությունը քննադատել են հուլիսի 15-ի ձախողված հեղաշրջումից հետո Թուրքիայում «իրավական պետության սկզբունքների անտեսումը»: Ինչից ելնելով կուսակցությունները առաջարկել են դադարեցնել Եվրամիությունից (ԵՄ) ամեն տարի որպես թեկնածու երկիր Թուրքիային տրամադրվող տարեկան 600 միլիոն եվրոյի աջակցությունը:

Ներկայացված առաջարկը հաստատվել է խորհրդարանի կողմից: Առաջարկվել է նաև, որ Նիդերլանդների կառավարությունը ԵՄ-ում բարձրացնի Թուրքիային հատկացվող օգնության դադարեցման հարցը:

Խորհրդարանում հաստատվել է նաև մեկ այլ առաջարկ՝ կապված Նիդերլանդներում գործող մուսուլմանական մզկիթներին Թուրքիայի կրոնի նախարարության միջոցով հատկացվող նյութական օգնության դադարեցման հետ: Առաջարկին դեմ է քվեարկել 67, կողմ՝ 75 պատգամավոր:

Նույն նիստին Նիդերլանդների խորհրդարանում ներկայացվել է նաև «Թուրքիա-ԵՄ անդամակցության բանակցություններ դադարեցումը» նախատեսող առաջարկ: Սակայն կառավարության ներկայացուցիչները դեմ են քվեարկել այս նախագծին՝ պատճառաբանելով, որ այդ հարցը միայն Նիդերլանդների որոշմամբ չի կարող կարգավորվել:

Խորհրդարանի անդամները նշել են, որ առկա երկկողմ համաձայնությունների հիման վրա հնարավոր չէ միակողմանի որոշամամբ դադարեցնել Թուրքիայի հետ բանակցությունները: Այդ բանակցությունները կարող են շարունակվել այնքան ժամանակ, քանի դեռ Թուրքիան բավարարում է ներկայացվող չափանիշները:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: