Հոդված11:05, 26 Սեպտեմբեր 2016
Թուրք վերլուծաբան. «Թուրքիայում մի ճգնաժամն ավարտվում, մյուսն է սկսվում»
Թուրքական «Sonsöz» թերթի հոդվածագիր, վերլուծաբան Թանդողան Ույսալն անդրադարձել է Թուրքիայում անընդհատ սկսվող և ավարտվող ճգնաժամներին, ներքին ու արտաքին անվերջ ցնցումներին:
«Թուրքիայի մի կողմը տարիեր շարունակ կիսատ է, ինչպես կարկատած «բոխչան» (կապոց): Երկիրը չի կարողանում փրկվել ճգնաժամերից: Եթե նայենք Թուրքիայի ժամանակային թունելին, ապա ճգնաժամեր կտեսնենք: Երկիրը մի տեսակ չի կարողանում զերծ մնալ ճգնաժամերից: Մեկն ավարտվում, մյուսն է սկսվում»,- գրում է Ույսալը:
Նշում է, թե մի ժամանակ հայկական «ASALA»-ն էր, հետո ի հայտ եկավ PKK-ն (Քուրդիստանի բանվորական կուսակցություն-ՔԲԿ), այժմ էլ «Իսլամական պետություն» ահաբեկչական կազմակերպությունը և մյուս իսլամական խմբավորումներն են Թուրքիայի գլուխը դարդի տակ դրել:
«Ըստ վարվող քաղաքականության`շարունակաբար տնտեսական ճգնաժամերը են լինում, իսկ քաղաքական ճգնաժամերը չեն ավարտվում: Ամենամոտիկ դաշնակցի` ԱՄՆ-ի հետ շարունակաբար «քաշքշոցի» մեջ են: Մինչև այն աստիճանի, որ ԱՄՆ-ը Թուրքիային սպառնացող PKK ահաբեկչական կազմակերպությանն ու դրա հետ կապված կառույցներին ռազմական և լոգիստիկ օգնություն է ցույց տալիս»,- մտահոգություն է հայտնում Ույսալը:
Հեղինակը տարօրինակ է համարել նաև այն հանգամանքը, որ չնայած երկրում ձևավորված բոլոր իշխանությունները հանդիպել են այդ ճգնաժամներին, բայց, այնուամենայնիվ, երկիրը կարողացել է վերելք ապրել: Ույսալը, նշելով, որ այս ամենով հանդերձ Թուրքիան չի կարողանում կայուն զարգանալ, հետևյալ հարցադրումն է անում.
«Լավ ինչու՞ Թուրքիան չի կարողանում լինել այնպիսին, ինչպիսին եվրոպական երկրներն են: Վատ իշխանությու՞նն է պատճառը: Աշխարհագրական դի՞րքը: Գուցե անցյալում մեծ կայսրություն լինելու հանգամա՞նքը: Եվ ինչքա՞ն կարող է սա շարունակվել: Ահա այս հարցերն են մասնագետների կողմից տարիներ շարունակ հնչեցվում լրատվական ալիքներով, սակայն որևէ արդյունք չկա»:
Ըստ հեղինակի` Թուրքիան դրսից շատ գեղեցիկ է երևում, սակայն ներսից նայելիս երևում է, թե ապրելու համար ինչքան դժվար են պայմանները:
«Այդ պատճառով Թուրքիայում ապրելը հերոսություն է: Այս պայմաններին չդիմացողը կկորչի-կգնա»,- եզրափակում է հոդվածագիրը:
Այս ենթաբաժնի վերջին նորությունները
Թուրքական մեդիա տիրույթում հրապարակվել են տեղեկություններ, որոնք բացահայտում են Թուրքիայի իրական քաղաքական նպատակները:
Թուրք վերլուծաբանի դիտարկմամբ՝ Փաշինյանի հաղթանակը նշանակում է, որ հայ ժողովուրդը պատերազմ չի ուզում։
Յեթքինն հերթական սյունակում անդրադարձել է Թուրքիայի նախագահ Ռեջեփ Էրդողանի պետական կառույցների գործառույթները սահմանափակող կամ դրանք շրջանցելուն միտված քաղաքականությանը:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Սաննա Մարին. «Սա կոշտ արձագանք է նախագահ Էրդողանի կողմից։ Սա շատ ցավալի իրավիճակ է»։
«Էրդողանն իր ճանապարհով է գնում ու Թուրքիային հեռացնում է Եվրոպայից և ժողովրդավարությունից»,գրում է «Südwest Presse» թերթը։
Նիշանյանի խոսքով՝ հույն պաշտոնյաները չեն բացահայտել իրենց որոշման պատճառը ՝ նշելով, որ դա պետական գաղտնիք է։
Էրդողանը կարգադրել էր «անցանկալի անձ» հայտարարել թուրք իրավապաշտպան, Հայոց ցեղասպանությունը ճանաչող Օսման Քավալային ազատելու կոչ արած 10 երկրի դեսպանի։
Թուրքիայի քաղաքացի. «Շատ տխրեցուցիչ է, որ ընդամենը մի փողոց Տատյան Էֆենդիի անունով կոչելը շատ է համարվում»։
Օրացույց
արտարժույթ
| EUR | TRY | USD |
| 549.84 | 90.05 | 485.12 |