Միջազգային09:30, 03 Սեպտեմբեր 2016
Ավստրիայի կենտրոնական բանկի նախագահ. «Թուրքիան աղքատ է»
Ավստրիայի կենտրոնական բանկի նախագահ և Եվրոպայի կենտրոնական բանկի կառավարման խորհրդի անդամ Էվալդ Նովոտնին հայտարարել է, որ Թուրքիայում մեծ մաշտաբով աղքատություն կա, ինչը խոչընդոտում է այս երկրի եվրաինտեգրմանը:
Թուրքական իշխանամետ «Yeni Şafak» թերթի կայքի տեղեկացմամբ Նովոտնին մասնավորապես նշել է, որ այս գործընթացքում Թուրքիային խոչընդոտում են ոչ այնքան ժողովրդավարական չափանիշներին անհամապատասխանությունը, որքան տնտեսական ոլորտում առկա կառուցվածքային խնդիրները:
«Երբ մի տնտեսությունում չափից շատ անհավասարություն կա, այդ տնտեսական կառույցը չի կարող գոյատևել: Այդ իրավիճակը գաղթի պատճառ կարող է դառնալ: Որքան ԵՄ անդամ դառնալ ցանկացող երկիրը մեծ է, խնդիրներն էլ այդքան մեծ են: Թուրքիան այս իմաստով էքստրեմալ օրինակ է: Ի վերջո, կառուցվածքային խնդիրների պատճառով եվրաինտեգրումը երկար ժամանակ իրատեսական չի լինի», - ասել է Ավստրիայի կենտրոնական բանկի նախագահը:
Հիշեցնենք, որ Ավստրիայի վարչապետ Քրիստիան Քերնը էլ օրեր առաջ հայտարարել էր, որ անհրաժեշտ է դադարեցնել Թուրքիա-Եվրամիություն անդամակցության բանակցությունները:
Նշենք նաև, որ եթե Թուրքիան դառնա Եվրամիության անդամ, այն կլինի ԵՄ-ի երկրորդ ամենամեծ թվով բնակչություն ունեցող երկիրը՝ Գերմանիայից հետո:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |