Միջազգային12:06, 30 Օգոստոս 2016
ԵՄ կոմիսար. «Թուրքիայի եվրաինտեգրումն ավելի շատ «հետէրդողանական» հարց է»
Եվրամիության կոմիսար Գյունտեր Էտտինգերը անդրադարձել է Թուրքիայի եվրաինտեգրման հավանականության թեմային: Թուրքական «Birgun» լրատվակայքի տեղեկացմամբ՝ Էտտինգերը 2013թ. հայտարարել էր, որ ԵՄ-ն դեռ աղաչելու է Թուրքիային, որպեսզի անդամակցի միությանը: Հարցին, թե արդյոք նա դեռ շարունակում է նույն կարծիքին մնալ, ԵՄ կոմիսարը պատասխանել է.
«Այդ արտահայտությունը վերաբերում էր այն հանգամանքին, որ Թուրքիան ԵՄ-ի համար տնտեսական և աշխարհագրական տեսակետից մարտավարական նշանակություն ունեցող երկիր է: Սակայն դա չէր վերաբերում Էրդողանի կառավարությանը: Թուրքիայի հետ լավ հարաբերությունները ԵՄ-ի համար կարևոր են: Այսօրվա պայմաններում այդ անդամակցությունը առաջիկայում՝ ավելի քան մեկ տասնամյակի ընթացքում անիրատեսական է: Դա ավելի շատ հետէրդողանական հարց է»:
Իսկ Էրդողանի՝ փախստականների հետ ընդունման պայմանագրի չեղարկման վերաբերյալ սպառնալիքների առումով Էտտինգերը համոզմունք հայտնեց, որ Էրդողանի խոսքերն ավելի շատ ուղղված են հենց թուրք ժողովրդին: Քանի որ թուրք ազգի մեծ մասը ցանկանում է ուժեղ առաջնորդ տեսնել, Էրդողանն էլ օգտագործում է այդ հանգամանքը:
«Էրդողանին խորթ չեն պոպուլիզմ ն ու ազգայնամոլությունը: Իմ կարծիքով՝ դա շատ վտանգավոր է», - նկատել է Էտտինգերը:
Իսկ Թուրքիայի համար առանց անցագրի ռեժիմին անցման թեմայի շուրջ ԵՄ կոմիսարը ուշադրություն է հրավիրել այն հանգամանքի վրա, որ Թուրքիան դեռ չի իրագործել դրա համար անհրաժեշտ նախապայմանները:
«Մասնավորապես ահաբեկչության դեմ պայքարին վերաբերող օրենքի հետ կապված մեր կողմից զիջումներ չեն լինելու:Մեր տեսակետից՝ օրենքի գերակայությունը և բոլոր նախապայմանների իրագործումը ավելի կաևոր է, քան արագ ընթացքը»:
Էտտինգերը նաև կարծիք է հայտնել, որ Թուրքիայում ձախողված հեղաշրջման փորձից հետո, հնարավոր է, կմեծանա Եվրոպա գաղթող թուրքերի թիվը: Թուրք գաղթականների մեջ հատկապես զգալի մաս կարող են կազմել իրենց պաշտոններից հեռացված պետական ծառայողներ, զինվորներ, լրագրողներ, մտավորականներ ու նրանց ընտանիքները:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |