Ցեղասպանություն09:37, 30 Օգոստոս 2016
Գերմանիան մերժել է Ցեղասպանության բանաձից հրաժարվելու Թուրքիայի պահանջը
Գերմանիան պատասխանել է Ինջիրլիքի այցի թույլտվության վերաբերյալ թուրքական կողմի հայտարարությանը: Թուրքական «Diken» լրատվակայքի տեղեկացմամբ՝ արտգործնախարար Ֆրանկ Վալտեր Շտայնմայերը մերժել է Թուրքիայի պահանջը:
Միջանկյալ նշենք, որ նախօրեին Թուրքիայի արտգործնախարար Մևլութ Չավուշօղլուն հայտարարել էր, թե գերմանացի պաշտոնյաներին թույլ կտրվի այցելել Ինջիրլիք ռազմաբազայում գտնվող գերմանական զինուժի ներկայացուցիչներին միայն այն դեպքում, եթե Գերմանիայի կառավարությունը հրապարակայնորեն հայտարարի, որ չի աջակցում հունիսի 2-ին Բունդեսթագի ընդունած Հայոց ցեղասպանությունը ճանաչող բանաձևին:
Շտայնմայերը այս առթիվ մասնավորապես ասել է. «Ես այս խնդիրների միջև որևէ կապ չեմ տեսնում և այդ մասին ասել եմ իմ թուրք պաշտոնակցին»:
Գերմանիայի արտգործնախարարը նաև ուշադրություն է հրավիրել այն հանգամանքի վրա, որ եթե Թուրքիան ցանկանում է, որ Դաշնային խորհրդարանը երկարացնի Ինջիրլիքում գտնվող գերմանացի զինվորների ծառայության ժամկետը, ապա Գերմանիան պետք է հնարավորություն ունենա տեսնելու, թե ինչ վիճակում են իր զինվորները: Հակառակ դեպքում անիմաստ է սպասել, թե գերմանացի պատգամավորները խորհրդարանում կհաստատեն ժամկետների երկարացման փաստաթուղթը:
Ինջիրլիք այցի թույլտվություն չստանալու դեպքում Գերմանիայում իշխող կոալիցիայի մասը կազմող «Սոցիալ-դեմոկրատական կուսակցությունը» չի պատրաստվում հաստատել նշյալ փաստաթուղթը: Իսկ Ինջիրլիքում գերմանացի զինծառայողների ծառայության ժամկետը ավարտվում է 2016թ. դեկտեմբերին:
Հիշեցնենք, որ հունիսի 2-ին Բունդեսթագի կողմից Հայոց ցեղասպանությունը ճանաչող և դատապարտող բանաձևի ընդունոումից հետո Թուրքիան արգելել էր գերմանացի պատգամավորներին՝ այցելել Ինջիրլիք ռազմաբազայում ծառայություն իրականացնող գերմանացի զինվորներին: Գերմանական կողմը շարունակում է ակտիվորեն ջանք գործադրել՝ այցի թույլտվություն ստանալու համար՝ սպառնալով, որ հակառակ դեպքում իր ռազմական ուժերը կտեղափոխի Հորդանան կամ Կիպրոսի հունական մաս:
Այս ենթաբաժնի վերջին նորությունները
Թուրքական ժխտողական թեզերի դարբնոցներից մեկը համարվող այս կառույցի ղեկավարը քննադատության է ենթարկել հատկապես հայկական ու հունական թեզերը։
«Ազգայնական շարժման կուսակցության» (MHP) առաջնորդ Դևլեթ Բահչելին կրկին անդրադարձել է Կարո Փայլանի` Թուրքիայի խորհրդարան ներկայացրած Հայոց ցեղասպանությունը ճանաչման առաջարկին:
Պրոֆեսորի կարծիքով՝ Հայոց ցեղասպանության ճանաչման գործընթացն այլևս քաղաքական իմաստով գործոն չէ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Շենթոփը տեսաուղերձ է հղել Թուրքիայի պատմագիտական ընկերության կողմից «Կոտորած Վանում, ավեր և գրավում. ճանապարհ դեպի աքսոր» խորագրով գիտաժողովի մասնակիցներին:
Ռուս պատգամավոր Եվգենի Պոպովը ռուսական «Россия» հեռուստատեսության եթերով խոսել է Ուկրաինայի նկատմամբ Թուրքիայի վարած արտաքին քաղաքականության մասին:
Թուրքական «Yöneylem araştırma» սոցիոլոգիական ընկերության համակարգող Դերյա Քյոմուրջյուն ներկայացրել է մայիս ամսին ընկերության անկացրած սոցհարցումների արդյունքները:
«Եթե Հունաստանը չհետևի դրան մենք այս խնդրի կապակցությամբ այլ մակարդակում միջոցներ կձեռնարկենք»,- Թուրքիայի ԱԳ նախարար:
Էրդողանը մայիսի 23-ին կայացած կառավարության նիստի ավարտից հետո ասուլիս էր տվել, որի ընթացքում հայտնել էր Սիրիայում նոր ռազմական գործողություն կսկսեն առաջիկայում:
Օրացույց
արտարժույթ
| EUR | TRY | USD |
| 549.84 | 90.05 | 485.12 |