Միջազգային07:16, 23 Օգոստոս 2016
Թուրքիան հետ է կանչել Վիեննայում իր դեսպանին
Ավստրիայի և Թուրքիայի միջև ծագած դիվանագիտական լարվածության մեծացել է, Թուրքիան խորհրդակցության նպատակով հետ է կանչել Վիեննայում իր դեսպանին:
Թուրքիայի արտգործնախարար Մևլութ Չավուշօղլուն, մեկնաբանելով այս որոշումը՝ պատճառաբանել է, թե Ավստրիան վերածվել է Եվրոպայում հակաիսլամական կենտրոնի:
Չավուշօղլուն իր դժգոհությունն է հայտնել այն փաստի առթիվ, որ Ավստրիայում արգելվել էր Թուրքիային աջակցող խաղաղ ցույցի անցկացումը, իսկ ավելի ուշ Թուրքիայում ահաբեկչական խմբավորում համարվող «Քուրդիստանի բանվորական կուսակցության» (ՔԲԿ- PKK) կազմակերպած ցույցը Վիեննայում թույլատրվել էր:
Թուրքիայի ԱԳ նախարարը նշել է, որ Ավստրիայի կողմից ՔԲԿ-ի ցույցն արտոնելու փաստն այլևս խարխլել է երկկողմ հարաբերությունների և նորմալ համագործակցության հիմքերը:
«Մենք նախարարություն հրավիրեցինք Ավստրիայի գործերի ժամանակավոր հավատարմատարին ու մեր դժգոհությունն արտահայտեցինք: Նաև խորհրդակցության համար Անկարա ենք կանչել Վիեննայի մեր դեսպանին»,- հավելել է նա:
Հիշեցնենք նաև, որ անցյալ շաբաթ Վիենայի օդանավակայանում «Kronen Zeitung» թերթի կողմից տեղադրվել էր հետևյալ հակաթուրքական հայտարարությունը. «Դուք գիտեի՞ք, որ Թուրքիան թույլ է տալիս սեռական հարաբերություններ ունենալ 15 տարին չլրացած երեխայի հետ»: Թուրքիան խիստ արձագանք էր ցուցաբերել այս հայտարարությանը, ինչին ի պատասխան Ավստրիայի արտգործնախարարությունը վկայակոչել էր մամուլի ազատության սկզբունքը:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |