Միջազգային08:30, 17 Օգոստոս 2016
Ըստ Գերմանիայի ՆԳՆ-ի՝ Թուրքիան և Էրդողանը աջակցում են զինված իսլամիստներին
Գերմանիան համոզված է, որ Թուրքիայի կառավարությունը աջակցում է զինված ծայրահեղական իսլամիստներին՝ երկիրը դարձնելով վերջիններիս գործունեության թատերաբեմ: Թուրքական ընդդիմադիր «Cumhuriyet» թերթի կայքի փոխանցմամբ՝ այս տեսակետն արտահայտվել է Գերմանիայի կառավարության ներկայացուցիչների միջև գաղտնի գրավոր հարցուպատասխանի ընթացքում:
«Գերմանիայի կառավարությունը, որ փախստականների ճգնաժամի շրջանակներում հույսը դրել է Անկարայի աջակցության վրա և այդ պատճառով խուսափում է քննադատել Անկարային, մի գաղտնի նամակագրության մեջ Թուրքիային բնութագրել է որպես «իսլամիստական խմբերի գործողությունների գլխավոր թատերաբեմ»», - գրում է թուրքական թերթը:
Գերմանական «ARD» հեռուստաալիքին հղում կատարող «Cumhuriyet»-ը մանրամասնում է, որ գաղտնի երկխոսությունը տեղի է ունեցել Դաշնային խորհրդարանի «Ձախերի» կուսակցական խմբակցության և Գերմանիայի ներքին գործերի նախարարության (ՆԳՆ) միջև:
«Ձախերի» ներկայացրած գրավոր հարցմանը ՆԳՆ ներկայացուցիչ Օլե Շրյոդերի պատասխանում նշվել է, որ Թուրքիայի կառավարությունը տարիներ շարունակ Միջին Արևելքի իսլամիստական խմբերի և ահաբեկչական խմբավորումների հետ ծրագրված համագործակցության քաղաքականություն է վարել, իսկ Էրդողանը ակտիվորեն աջակցել է այդ գործընթացին:
«Իշխող «Արդարություն և զարգացում» կուսակցությունն (ԱԶԿ - AKP) ու նախագահ Էրդողանը Եգիպտոսի «Մուսուլման եղբայրների», «ՀԱՄԱՍ»-ի և Սիրիայի զինված իսլամիստ ընդդիմության հետ համերաշխության բազմաթիվ հայտարարություններ է արել և նրանց աջակցող գործողություններ է իրականացրել՝ այդպիսով շեշտելով «Մուսուլման եղբարների» հետ իր գաղափարակից լինելու հանգամանքը», - ասված է ՆԳՆ պատասխանում:
Աղբյուրը ուշադրություն է հրավիրում նաև այն հանգամանքի վրա, որ գաղտնի փաստաթղթի տեքստում նախագահ Էրդողանի անունը «ՀԱՄԱՍ»-ի նմանությամբ մեծատառերով է գրված և մեկնաբանում, որ այսպիսով Գերմանիայի կառավարությունը առաջին անգամ ակնառու կերպով հավասարության նշան է դնում Թուրքիայի նախագահի և ահաբեկչական խմբավորման միջև:
Նշենք, որ «ՀԱՄԱՍ»-ը 2003թ. ներառված է Եվրամիության կողմից կազմված ահաբեկչական խմբավորումների ցանկում:
Իսկ «Ձախերի» կուսակցության ներկայացուցիչ Սեվիմ Դաղդելենը, հավանություն տալով ՆԳՆ-ի այս տեսակետին, նշել է. «Գերմանիան այլևս չի կարող շարունակել լինել Թուրքիայի հանցակիցը՝ Թուրքիան զինված իսլամիստների որջ դարձնելու գործում»:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Նշվում է, որ փառատոնը կտևի մինչև մայիսի 4-ը։
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |