ԱՄՆ-ի պատասխանը Էրդողանին` Գյուլենի արտահանձման վերաբերյալ

Միջազգային08:33, 12 Օգոստոս 2016

ԱՄՆ-ի պատասխանը Էրդողանին` Գյուլենի արտահանձման վերաբերյալ

ԱՄՆ-ի պետքարտուղարության խոսնակ Էլիզաբեթ Թրադուն մեկնաբանել է Թուրքիայի նախագահ Ռեջեփ Թայիփ Էրդողանի այն խոսքերը, թե ԱՄՆ-ն ստիպված է ընտրություն կատարել Թուրքիայի և իսլամի քարոզիչ, ամերիկաբնակ Ֆեթթուլահ Գյուլենի միջև:

Վերջինիս թուրքական իշխանությունները մեղադրում են Թուրքիայում հուլիսի 15-ին տեղի ունեցած ռազմական հեղաշրջման փորձի կազմակերպման մեջ և պահանջում նրա արտահանձնումը ԱՄՆ-ի իշխանություններից:

Ըստ թուրքական «Haberler» լրատվամիջոցի` Թրադուն նշել է, որ չկա անհրաժեշտություն ընտրություն կատարել Գյուլենի և Թուրքիայի միջև:

Խոսնակի խոսքերով Գյուլենի հարցը ոչ մի կապ չունի Թուրքիայի և ԱՄՆ-ի միջև գոյություն ունեցող «խորը և կայուն» հարաբերությունների հետ:

Հիշեցնենք, որ թուրքական իշխանությունները Գյուլենին և նրա համախոհներին դիտարկում են իբրև «ահաբեկչական կազմակերպություն»: Իսկ Գյուլենը հերքել է իր մասնակցությունը հեղաշրջման փորձին:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: