Տարածաշրջան14:26, 09 Օգոստոս 2016
Hurriyet. Ռուս-թուրքական հարաբերությունների կարգավորման գործընթացին նպաստել է թուրք գործարարը
Հայտնի է դարձել, որ ռուս-թուրքական հարաբերությունների կարգավորման գործընթացը սկսվել է թուրք գործարար Ջավիթ Չաղլարի շնորհիվ: Գործընթացին նրա մասնակցությունը բացահայտել է «Hurriyet» պարբերականի հոդվածագիր Մուրադ Յեթքինը «Թուրք-ռուսական ճգնաժամին վերջ դրած գաղտնի դիվանագիտության պատմությունը» հոդվածում:
Սյունակագիրը նշում է, ռուս-թուրքական ճգնաժամի հաղթահարման գործում գործարար Ջավիթ Չաղլարի գործուն մասնակցության մասին իր ձեռք բերած տեղեկության իսկությունը հաստատել է Թուրքիայի նախագահի մամուլի խոսնակ Իբարհիմ Քալընը՝ ասելով. «Ջավիթ Չաղլարը շատ կարևոր դերակատարում է ունեցել, իսկ Թուրքիայի ներկայիս զինված ուժերի (ԶՈՒ) Գլխավոր շտաբի պետ, բանակի գեներալ Հուլուսի Աքարը և Ղազախստանի նախագահ Նուրսուլթան Նազարբաևը առանցքային դեր են ունեցել»:
Ըստ Յեթքինի տեղեկացման՝ թուրք գործարարը, որը Թուրքիայի ԶՈՒ Գլխավոր շտաբի պետի ծանոթներից է, ներդրումային ծրագրեր է իրականացնում Ռուսաստանի Դաշնության (ՌԴ) կազմի մեջ գտնվող Դաղըստանի ինքնավար հանրապետությունում և սերտ կապեր ունի հանարապետության նախագահ Ռամազան Աբդուլաթիփովի հետ:
Գլխավոր շտաբի պետ Հուլուսի Աքարն Թուրքիայի նախագահ Ռեջեփ Թայիփ Էրդողանին տեղեկացնում է, որ Չաղլարը Դաղստանի նախագահի միջոցով կարող է Ռուսաստանի նախագահ Վլադիմիր Պուտինի հետ կապ հաստատել: Էրդողանի համաձայնությամբ սկսվում են դիվանագիտական շփումները: Որոշվում է կապ հաստատել ՌԴ նախագահ Վլադիմիր Պուտինի խորհրդական Յուրի Ուշակովի հետ Էրդողանի գրավոր հայտարարությունը տեղ հասցնելու նպատակով:
Հուլիսի 23-ին դրական տեղեկություն է ստացվում նաև Ղազախստանի նախագահ Նազարբաևից, որը Պուտինի հետ հանդիպումից հետո հայնտում է, որ վերջինս պատրաստ է Էրդողանի նամակը ստանալուց հետո հանդիպել նրա հետ: Ըստ սյունակագրի՝ նամակը Ուզբեկստանի մայրաքաղաք Տաշկենդում ընթացող Շանհայի համագործակցության կազմակերպության նիստին մասնակցող Պուտինին պետք է հանձնվեր հուլիսի 24-ին: Նամակը Տաշկենդ է հասցրել Ջավիթ Չաղլարը, իսկ այն Պուտինին է հանձնել նրա խորհրդական Ուշակովը:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Թուրքական մամուլում որպես պատճառ նշվում է իրանական նավթի ներկրումը:
Հարձակումն կատարած անձը ձերբակալվել է: Դեպքի հանգամանքները պարզվում են:
Ինչպես հայտնում են ոլորտի մասնագետներն ու գիտնականները, այն երկիր մոլորակի մակերևույթին կհասնի մայիսի 8-ից 14-ն ընկած ժամանակահատվածում:
JINSA-ի զեկույցում ընդգծվել է, որ Թուրքիան կործանիչների ձեռքբերման տեսանկյունից վստահելի չէ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |