Սուդանում գործող գյուլենական դպրոցները կփակվեն

Միջազգային09:59, 03 Օգոստոս 2016

Սուդանում գործող գյուլենական դպրոցները կփակվեն

Սուդանի նախագահ Օմեր Բեշիրը հրահանգել է, որ երկրում գոյություն ունեցող բոլոր գյուլենական դպրոցները փակվեն: Ըստ թուրքական «Milliyet» թերթի կայքի` այդ մասին հայտարարել է Սուդանում Թուրքիայի արտակարգ և լիազոր դեսպան Ջեմալեթթին Այդընը: Նա նշել է, որ պաշտոնական Անկարան գոհունակությամբ է ընդունել Սուդանի իշխանությունների այդ քայլը և Թուրքիայի հետ համերաշխության դրսևորումն այդ հարցում:

Միջանկյալ նշենք որ գյուլենական դպրոցները պատկանում են այն համայնքին, որի առաջնորդը իսլամի հայտնի քարոզիչ ամերիկաբնակ Ֆեթուլլահ Գյուլենն է, ով այժմ Էրդողանի ոխերիմ հակառակորդն է:

Դեսպանը շեշտել է, որ նախագահ Բեշիրն այն եզակի նախագահներից է եղել, որը Թուրքիայում իրակացված ռազմական հեղաշրջման փորձից հետո անձամբ զանգահարել է Ռեջեփ Թայիփ Էրդողանին:

Հիշեցնենք, որ ավելի վաղ Ղազախստանում` հակառակ Թուրքիայի զգուշացումներին, այդպես էլ չփակվեցին տեղի գյուլենական դպրոցները:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: