09:15, 30 Հուլիս 2016
Թուրքիայում կբացվի Իրաքյան Քուրդիստանի պաշտոնական ներկայացուցչություն
Հյուսիսային Իրաքի քրդական ինքնավարությունը շուտով ներկայացչություն կունենա Թուրքիայում: «Haberler» լրատվական կայքի հաղորդմամբ` այդպիսով Իրաքյան Քուրդիստանի արտերկրյա ներկայացչությունների թիվը կհասնի 15-ի:
Թեմայի շուրջ խոսել է Էրբիլում (Հյուսիսային Իրաքի քրդական ինքնավարության կենտրոն ) Թուրքիայի հյուպատոս Մեհմեթ Աքիֆը:
«Որքան ես եմ տեղյակ, Հյուսիսային Իրաքի քրդական ինքնավարությունը աշխարհի 14 երկրում ներկայացչություն ունի: Թուրքիայում ներկա պահին ներկայացչություն չկա: Դա բացելու հարցն իրականում երկար ժամանակ օրակարգում էր: Մենք այդ հարցին դրական ենք վերաբերվում և դրա շրջանակներում շարունակում ենք մեր շփումները ինքնավարության ղեկավարների հետ»:
Ներկայացչություն բացելու մասին խոսել է նաև քրդական ինքնավարության արտաքին հարաբերությունների հարցերով պատասխանատու Ֆելահ Մուստաֆան: Նրա խոսքերով` այդ հարցում պաշտոնական Անկարան և Էրբիլը նախնական համաձայնության էին եկել, բայց ֆինանսական ճգնաժամի պատճառով նշյալ հարցը հետաձգվում էր:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի տարածքային ենթակառուցվածքների նախարարը հաղորդագրություն է տարածել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Հունաստանում այն դիտվում է որպես լուրջ մտահոգություն՝ իր աշխարհաքաղաքական հետևանքներով։
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |