Միջազգային10:04, 29 Հուլիս 2016
Թուրքիան շարունակում է ճնշումներ գործադրել ամերիկյան հեռուստաընկերության վրա
Թուրքիան շարունակում է ճնշումներ գործադրել ամերիկյան «NBS News» հեռուստաընկերության վրա՝ պահանջելով ներողություն խնդրել Էրդողանի մասին անհիմն լուրեր հրապարակելու համար: Ինչպես տեղեկացնում է թուրքական իշխանամետ «Sabah» թերթի կայքը, Վաշինգտոնում Թուրքիայի դեսպանատունը երկրորդ խիստ ոճով նամակն է հղել հեռուստաընկերության տնօրինությանը:
«NBS News» -ը հուլիսի 15-ին Թուրքիայում տեղի ունեցած հեղաշրջման ձախողած փորձի ընթացքում լուրեր էր հրապարակել այն մասին, որ Մարմարիսից Ստամբուլ մեկնած Էրդողանի ինքնաթիռը Ստամբուլի օդանավակայանում վայրէջքի թույլտվություն չի ստացել: Դրանից հետո, ըստ ամերիկյան լրատվամիջոցի, Էրդողանը քաղաքական ապաստան է խնդրել Գերմանիայից: «NBS News» -ը որպես լուրի աղբյուր նշել էր ոմն ամերիկյան բարձրաստիճան պաշտոնյայի, ում անունը չէր հրապարակվել:
Վաշինգտոնում Թուրքիայի դեսպանատան երկրորդ նամակում պահանջ է ներկայացվել անմիջապես ներողություն խնդրել ամերիկյան հեռուստաընկերության «անպատասխանատու և անընդունելի» գործունեության համար: Նամակում նշվում է նաև, որ խնդրո առարկա լուրը դեռևս հասանելի է համացանցում, ինչի առթիվ թուրքական կողմը պահանջել է մեկնաբանություն տալ:
Դեսպանատան պնդմամբ՝ Էրդողանի մասին լուրը հրապարակելիս լրատվամիջոցն անպատասխանատու մոտեցում է ցուցաբերել, նախապես չի ճշտել նյութի աղբյուրի հավաստիությունը:
Հիշեցնենք, որ հուլիսի 26-ին Վաշինգտոնում Թուրքիայի դեսպանատան կողմից «NBS News»-ին ուղղված առաջին նամակում մասնավորապես ասված էր. «Թուրքիայի անունից պահանջում ենք, որպեսզի «NBS News»-ը և պարոն Գրիֆինը այս անպատասխանատու քայլի համար պաշտոնապես ներողություն խնդրեն»:
Ամերիկյան լրատվամիջոցը անցած 3 օրերի ընթացքում որևէ կերպ չի արձագանքել դեսպանատան այս նամակին:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |