Միջազգային09:17, 27 Հուլիս 2016
«Haberturk»-ը ներկայացրել է, թե ինչպես է սկսվել ռուս-թուրքական հարաբերությունների կարգավորումը
Օգոստոսի 9-ին Սանկտ-Պետերբուրգում տեղի կունենա Թուրքիայի նախագահ Ռեջեփ Թայիփ Էրդողանի և Ռուսաստանի նախագահ Վլադիմիր Պուտինի հանդիպումը: Նրանք վերջին անգամ հանդիպել էին 2015 սեպտեմբերի 23-ին Մոկվայում ամենամեծ մզկիթի բացման արարողության ժամանակ:
Հանդիպման օրակարգում լինելու են «թուրքական հոսք» նախագիծը, թուրքական ապրանքների ներմուծման, զբոսաշրջության ոլորտի զարգացմանը և մուտքի արտոնագրերի տրամադրման պարզեցմանը վերաբերող հարցեր:
Թուրքական «Haberturk» լրատվական կայքը ներկայացրել է ռուս-թուրքական հարաբերությունների կարգավորման ժամանակգրությունը: Երկու երկրների հարաբերությունները սրվել էին 2015 թվականի նոյեմբերի 24-ին, երբ թուրքական օդուժի խոցել էր ռուսական ռազմական ՍՈւ-24 ինքնաթիռը:
Աղբյուրը հիշեցնենում է, որ հարաբերությունների կարգավորման ուղղությամբ առաջին քայլը կատարել է Թուրքիայի նախագահը, երբ 2016թ. հունիսի 12-ին Ռուսաստանի ազգային տոնի կապակցությամբ շնորհավորական ուղերձ էր հղել իր ռուս գործընկերոջը:
Հաջորդ քայլը նորից Էրդողանն արեց՝ հունիսի 27-ին նամակ հղելով Ռուսաստանի նախագահ Պուտինին: Նամակում Էրդողանը հայտնել էր, որ «ցավում է» երկկողմ հարաբերություններում տեղի ունեցած դեպքերի համար, իսկ խոցված ռուսական ինքնաթիռի զոհված ռուս օդաչուի ընտանիքի ցավը ամոքելու համար պատրաստ է ցանկացած տեսակի նախաձեռնության:
Էրդողանի նամակից 2 օր անց՝ հունիսի 29-ին, երկու նախագահները հեռախոսազրույց ունեցան՝ քննարկելով հարաբերությունների կարգավորմանն ուղղված քայլեր:
Այդ հեռախոսազրույցը հող նախապատրաստեց 2 երկրների պետական գերատեսչությունների ներկայացուցիչների հանդիպումների համար, և հուլիսի 13-ին Թուրքիայի արտաքին գործերի, մշակույթի և զբոսաշրջության, ներքին գործերի և կապի նախարարությունների ներկայացուցիչները մեկնեցին Ռուսաստան՝ հանդիպելու իրենց գործընկերների հետ:
Հուլիսի 17-ին Ռուսաստանի ղեկավարը Թուրքիայում ռազմական հեղաշրջման անհաջող փորձից հետո զանգահարեց Էրդողանին և իր աջակցությունը հայտնեց Թուրքիայի կառավարությանը: Այդ զրուցի ընթացքում էլ երկու նախագահները որոշեցին հանդիպել օգոստոսի առաջին կեսին:
Երկու երկրների բարձրաստիճան պաշտոնյաների վերջին հանդիպումը տեղի է ունեցել հուլիսի 26-ին Մոսկվայում: Թուրքիայի փոխվարչապետ Մեհմեթ Շիմշեքը և Էկոնոմիկայի նախարար Նիհաթ Զեյբեքչին Մոսկայում տնտեսական հարաբերություններին վերաբերող մի շարք հանդիպումներ են ունեցել:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
Ֆաթիհ Էրբաքանը պնդել է, որ Իսրայելին պիտի պատասխանել իրեն հասկանալի լեզվով։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |