Իրավական14:08, 19 Հուլիս 2016
Թուրքիան դիմել է ԱՄՆ-ին Ֆեթուլլահ Գյուլենին ժամանակավորապես ձերբակալելու պահանջով
Թուրքիան Էրդողանի քաղաքական հակառակորդ ԱՄՆ-ում բնակվող Ֆեթուլլահ Գյուլենի արտահանձնման առնչությամբ պաշտոնական գրություններ է ուղարկել ԱՄՆ-ի արդարադատության և արտաքին գործերի նախարարություններ:
Ըստ թուրքական «Haberler.com» լրատվական կայքի` ԱՄՆ-ի արդարադատության նախարարությանն ուղարկված գրության մեջ պահանջվել է ժամանակավորապես ձերբակալել Գյուլենին, «մինչ 2 երկրների միջև առկա իրավական պայմանագրերի շրջանակներում տեղի կունենա վերջինի արտահանձնումը Թուրքիային»:
Արտգործնախարարություն ուղարկված գրությամբ էլ գերատեսչությունից պահանջվել է տեղեկություններ տրամադրել Թուրքիային արտահանձնման պահանջի և Գյուլենի նկատմամբ սկսվելիք հնարավոր իրավական գործընթացի վերաբերյալ:
Ավելի վաղ Թուրքիայի վարչապետ Բինալի Յըլդըրըմը և արդարադատության նախարար Բեքիր Բողդաղը հայտարարել էին Գյուլենի արտահանձնման պահանջով ԱՄՆ-ին դիմելու մասին: Բոզդաղի հայտարարել է, որ այժմ Գյուլենի դեմ նյութեր են նախապարտաստվում Թուրքիայում ռազմական հեղաշրջում կազմակերպելու գործով: Բոզդաղի խոսքով գործով քննությունը որոշակի իրավական գործընթացներ է ենթադրում, ինչի համար ժամանակ է հարկավոր:
«Գործն ավարտին հասցնելուց հետո մենք այն կուղարկենք ամերիկյան կողմին»,- ասել է թուրք նախարարը` ավելացնելով, որ Գյուլենին ձերբակալելու և արտահանձնելու պահանջն ուղղվել է նախագահի, վարչապետի և արտգործնախարարության կողմից:
Թուրքական «Akşam» թերթի կայքն էլ հայտնում է, որ վաղը արտգործնախարար Մևլութ Չավուշօղլուն մեկնելու է ԱՄՆ` նշելով, որ հանդիպումների գլխավոր թեման լինելու է Գյուլենի արտահանձնման հարցը:
Թուրքական իշխանությունները երկրում զինվորականների կողմից իրականացված ռազմական հեղաշրջման փորձը նախաձեռնելու մեջ մեղադրում են ԱՄՆ-ում բնակվող, նախկինում Էրդողանի հետ լավ հարաբերություններ ունեցած, իսկ այժմ վերջինիս թիվ 1 քաղաքական ախոյանը համարվող Գյուլենին:
Հիշեցնենք, որ Թուրքիայում ազդեցիկ լծակներ ունեցող Գյուլենի հետևորդները ներգրավված են եղել հատկապես դատական համակարգում և ուժային կառույցներում: 2013թ. վերջում Թուրքիայում ծագած կոռուպցիոն սկանդալից հետո իշխանությունները սկսել են ամբողջ համակարգը գյուլենականներից «մաքրելու» գործընթաց: Երկրում պարբերաբար իրականացվում են ոստիկանական հատուկ գործողություններ «զուգահեռ կառույցի» դեմ: Թուրքական իշխանական մամուլը «Գյուլենական համայնքն» անվանում է նաև «զուգահեռ կառույց» և ասոցացնում ահաբեկչության հետ:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |