Միջազգային09:19, 18 Հուլիս 2016
Ավստրիայի ԱԳՆ. «Թուրքիայում մահապատիժի վերականգնումը կկանգնեցնի ԵՄ ինտեգրացիոն գործընթացը»
Ավստրիայի արտգործնախարար Սեբաստիան Քուրցը հայտարարել է, որ Թուրքիայում մահապատժի վերականգնումը կարող է պատճառ հանդիսանալ եվրաինտեգրման բանակցությունների դադարեցմանը:
Թուրքական «Doğan» լրատվական գործակալության փոխանցմամբ՝ շվեդական հեռուստատեսությամբ ելույթ ունեցած Քուրցը նշել է, որ Թուրքիայում կրկին մահապատիժների կիրառմանն անցնելը միանգամայն անընդունելի կլինի:
«Մահապատժի վերականգնումը միանշանակ անընդունելի քայլ կլինի: Եվրամիությանն անդամակցության համար բանակցություններ վարող Թուրքիայի կողմից մահապատժի կիրառումը կարող է պատճառ հանդիսանալ, որպեսզի անդամակցության բանակցությունները սառեցվեն»,- նշել է ավստրիացի նախարարը:
Նշենք, որ հուլիսի 15-ի լույս 16-ի գիշերը երկրում տեղի ունեցած անհաջող հեղաշրջման փորձից հետո Թուրքիայում խոսակցություններ են սկսվել սահմանադրությունից հանված մահապատիժը կրկին գործարկելու հնարավորության շուրջ: Վարչապետ Բինալի Յըլդըրըմը, այդ կապակցությամբ մի հարցի պատասխանելիս, հիշեցրել է, որ Թուրքիայի սահմանադրությունից մահապատիժը հանված է, սակայն մեջլիսը պատրաստվում է քննարկել այն հարցը, թե երկիրը ցնցած նմանօրինակ դեպքերի պարագայում օրենքի ինչպիսի լրամշակումներ կարելի է անել:
Հիշեցնենք, որ Թուրքիայում մահապատիժը գործնականում չի կիրառվել սկսած 1984թ., իսկ օրենքով այն բացառվել է 2004 թվականից:
Այս ենթաբաժնի վերջին նորությունները
Եգիպտոսն ածխաջրածնային պաշարների որոնման աշխատանքներ է սկսել այն տարածքում, որը Տրիպոլին արտոնագրով հանձնել է Թուրքիային։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Սուդանում մի քանի օր շարունակվող հորդառատ անձրևներից հետո սողանք է տեղի ունեցել, որը խլել է առնվազն 1000 մարդու կյանք։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ուղուրջան Բալ. «Չնայած Հայաստանը տարածքով փոքր է, բայց խոր արմատներ ունեցող իր պատմությամբ աշխարհի ամենահին քաղաքակրթություններից մեկն է»։
Ծնելիության բարձր ցուցանիշներ ունեն Իրաքը՝ 3.36 և Սիրիան՝ 2.59։
Կատարում տեղի ունեցած հարձակումից հետո իսրայելցի լրագրողը նման գրառում է արել սոցցանցում։
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |