Քաղաքական06:37, 16 Հուլիս 2016
Էրդողանը հայտարարել է, որ ապստամբության հեղինակները շատ թանկ են վճարելու
Հուլիսի 16-ի առավոտյան Թուրքիայի նախագահ Ռեջեփ Թայիփ Էրդողանը Մուղլայից ժամանել է Ստամբուլի «Աթաթուրք» օդանավակայան: Թուրքական «Haberler.com» լրատվակայքի տեղեկացմամբ՝ օդանավակայանի պետական հյուրատանը Էրդողանը մամուլի ասուլիս է հրավիրել, որի ընթացքում մասնավորապես հայտարարել է.
«Այս պահին տեղի ունեցող շարժումը դավաճանական շարժում է, ապստամբություն է: նախապես ասեմ, որ հայրենիքի դավաճանության այս փորձի դիմաց հատուցումը, բնականաբար, շատ թանկ է լինելու»:
Թուրքիայի նախագահը նշել է, որ շարժման հեղինակները Թուրքիայի զինված ուժերի մեջ փոքրամասնություն են կազմում և նրանք չեն հանդուրժում երկրի և թուրք ժողովրդի միասնականությունը, համախմբվածությունն ու ամբողջականությունը: Էրդողանը համոզմունք է հայտնել, որ երկրի զինված ուժերում, անվտանգության տարբեր ենթակառույցներում, պետական կառույցներում 40 տարի շարունակ ներթափանցել են «զուգահեռ կառույցի» (Գյուլենական համայնքի) քողարկված անդամները, որոնք էլ հենց այսօրվա շարժման հեղինակն են:
Էրդողանի հայտարարության ժամանակ նրա կողքին կանգնած են եղել էներգետիկայի և բնական պաշարների նախարար Բերաթ Ալբայրաքն ու «Արդարություն և զարգացում կուսակցության» (ԱԶԿ - AKP) Ստամբուլի նահանգային ղեկավար Սելիմ Թեմուրչին:
Հիշեցնենք, որ հուլիսի 15-ի ուշ երեկոյան Թուրքիայում ռազմական ճանապարհով պետական հեղաշրջման փորձ է կատարվել, որն ուղեկցվել է օդային ու ցամաքային ռմբահարումներով: Հայտվում է ամենաքիչը 60 զոհի և հարյուրավոր վիրավորների մասին: Հաղորդվում է, որ հուլիսի 16-ի լույս առավոտվա դրությամբ հեղաշրջման փորձը կառավարական ուժերի կողմից հիմնականում ճնշվել է:
Այս ենթաբաժնի վերջին նորությունները
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Կողմերը քննարկել են Թրամփի և Պուտինի Ալյասկայում կայացած հանդիպումը և Գազայում ու Սիրաիայում տիրող իրավիճակը։
Նակատանիի այցը պատմական է, քանի որ նա Ճապոնիայի առաջին պաշտպանության նախարարն է, ով այց է կատարում Թուրքիա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |