Միջազգային09:18, 06 Հուլիս 2016
Էրդողանը ձեռք է բերում նոր թշնամիներ և բարկացնում է հին բարեկամներին
Ամերիկյան հեղինակավոր «The New York Times» թերթը Թուրքիայի նախագահին քննադատող հոդված է հրապարակել: Թուրքական «Cumhuriyet» թերթի կայքի փոխանցմամբ՝ «Էրդողանը նոր թշնամիներ է ձեռք բերում և բարկացնում է իր հին բարեկամներին» վերնագրով հոդվածում մասնավորապես ասված է.
«Էրդողանը երկար ժամանակ «ոչ մի խնդիր՝ հարևանների հետ» կոչված քաղաքականությունն էր զարգացնում, բայց հիմա արդեն գրեթե ամենուր և բոլորի հետ ունեցած խնդիրների պատճառով կարծես ցեխի մեջ թաղված լինի»:
Նշվում է, որ միայն անցյալ տարվա ընթացքում քուրդ և իսլամիստ զինյալները Թուրքիայի դեմ 14 հարձակում են իրականացրել, որոնց հետևանքով զոհվել է 280 մարդ: Իսկ զբոսաշրջիկների հեռանալու պատճառով մեծապես տուժել է Թուրքիայի տնտեսությունը:
«Էրդողանը, տարիներ շարունակ մերժելով «Իսլամական պետության» (ԻՊ -IŞİD) դեմ միջոցների ձեռնակումը, զայրացնում և հիասթափեցնում է իր հին բարեկամներին, այդ թվում՝ ԱՄՆ-ին: Արդյունքում հետզհետե մեկուսանում է: Նա այնքան միայնակ է մնացել, որ ընտրողներին գրավելու համար դիմել է Ռուսաստանի և Իսրայելի հետ հարաբերությունների կարգավորման հնարքին: Ըստ նրա խորհրդականների՝ հաջորդը Եգիպտոսն է լինելու»,- գրում է ամերիկյան թերթը:
The New York Times»-ը հիշեցնում է, որ Էրդողանն ամեն առիթով հայտարարում է, թե օտար ուժերը միավորվել են իրեն գահընկեց անելու համար: Այս համատեքստում նա նույնիսկ տեղափոխվել է բնակվելու Անկարայի արվարձաններում գտնվող մի հսկայական պալատում, որի տարարծքն այնքան մեծ է, որ անձնակազմը ներսում միկրոավտոբուսներով է տեղաշարժվում:
Էրդողանին խոսքի ազատության սահմանափակումների և քննադատությունների հանդեպ անհանդուրժողականության մեջ մեղադրող հոդվածում ընդգծվում է, որ Թուրքիայի նախագահն իր շրջապատից հեռացնում է հին համախոհներին և նրանց փոխարինում իրեն հնազանդորեն ենթարկվող մարդկանցով, իր բարեկամներով (օրինակ՝ փեսան՝ էներգետիկայի նախարարը):
«The New York Times»-ը եզրակացնում է, որ Էրդողանի վերջնանպատակը խորհրդարանական համակարգը նախագահական համակարգով փոխարինելն է: Շեշտվում է, որ Ստամբուլի օդանավակայանում տեղի ունեցած ահաբեկչության գիշերը խորհրդարանը ժամեր շարունակ աշխատել է այդ նպատակին հասնելուն նպաստող օրենք մշակելու համար:
Այս ենթաբաժնի վերջին նորությունները
Լրացուցիչ արտոնություններ են սահմանվել, որոնք կտրվեն միայն «THY»-ի կողմից իրականացվող չվերթների համար։
Իրանի և Իսրայելի ֆոնդային բորսաներում ևս զգալի անկում է նկատվում։
Մայիսի 19-ին Թուրքիայից, Սիրիայից և Հորդանանից բաղկացած համակարգող ստորաբաժանումները սկսել են իրենց ծառայությունը Սիրիայում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |