Ռուս դեսպան. «Ռուս-թուրքական հարաբերությունները ամբողջությամբ կարգավորելու համար Թուրքիան պետք է փոխհատուցում վճարի»

Քաղաքական13:44, 30 Հունիս 2016

Ռուս դեսպան. «Ռուս-թուրքական հարաբերությունները ամբողջությամբ կարգավորելու համար Թուրքիան պետք է փոխհատուցում վճարի»

Թուրքիայում Ռուսաստանի դեսպան Անդրեյ Կարլովը հայտարարել է, որ ռուս-թուրքական հարաբերությունները ամբողջությամբ կարգավորելու համար Թուրքիան պետք է խոցված ռուսական ռազմական ինքնաթիռի համար փոխհատուցում վճարի: Այս մասին տեղեկացնում է թուրքական «T24» լրատվական կայքը:

Կարլովը հիշեցրել է Ռուաստանի նախագահ Վլադիմիր Պուտինի պայմանները հարաբերությունների կարգավորման համար: «Վլադիմիրը Վլադիմիրովիչը պարզորոշ հայտնել է մեր ակնկալիքները հարաբերությունների կարգավորման համար: Դրանք են ներողություն խնդրել, մեղավորներին պատժել և փոխհատուցում վճարել: Առաջինը կատարվել է, այժմ հերթը հասել է 2-րդին և 3-րդին»,-նշել է Ռուսաստանի դեսպանը:

Թուրքիայի իշխանությունների՝ փոխհատուցում վճարելու վերաբերյալ հայտարարություններն իրարամերժ են: Նախ Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը տեղեկացրել էր, որ իրենք կքննարկեն փոխհատուցում վճարելու հարցը, եթե սպանված ռուս օդաչուի ընտանիքը նման պահանջ ներկայացնի: Այնուհետև Թուրքիայի վարչապետ Բինալի Յըլդըրըմը բացառել էր այդ հնարավրությունը՝ նշելով. «Ռուսաստանին փոխհատուցում վճարելու մասին խոսք չի կարող լինել»:

Աղբյուր` Ermenihaber.am

Այս ենթաբաժնի վերջին նորությունները

11:49, 06 մայ

Անկարայում ԱՄՆ դեսպան. «Թուրքիա-ԱՄՆ հարաբերությունները պիտի լինեն բացառիկ»

Մայիսի 5-ին Թոմաս Բարաքն Անկարայի Էսենբողա օդանավակայանում զրուցել է լրագրողների հետ:

10:53, 06 մայ

Էրդողանի կուսակիցը լքել է ԱԶԿ-ն՝ պատճառաբանելով ընդդիմության դեմ հալածանքները

«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։

09:35, 06 մայ

Թուրքիայի իշխող կուսակցության խոսնակ. «PKK-ի ինքնալուծարման գործընթացը պիտի արագ լինի»

«Քուրդիստանի բանվորական կուսակցության» հիմնադիր-աառաջնորդը զենքերը վայր դնելու և ինքնալուծարվելու մասին կոչով միջնորդավորված կերպով հանդես էր եկել փետրվարի 27-ին: