Հասարակական06:37, 29 Հունիս 2016
Ստամբուլի «Աթաթուրք» օդանավակայանում 3 խոշոր պայթյուն է տեղի ունեցել
Ստամբուլի «Աթաթուրք» օդանավակայանում խոշոր ահաբեկչություն է տեղի ունեցել: Թուրքական «Habertürk.com» լրատվակայքի տեղեկացմամբ՝ հունիսի 28 -ի երեկոյան տեղական ժամանակով 22:00-ի սահմաններում վերոհիշյալ օդանավակայանում 3 հաջորդական պայթյուն է տեղի ունեցել:
Դեպքը տեղի է ունեցել օդանավակայանի արտասահմանյան թռիչքների հատվածում՝ ժամանող ուղևորների դիմավորման սրահում և ավտոկայանում: Ականատեսների վկայությամբ պայթյուններն իրականացրել են մահապարտները: Նրանցից մեկը նախ իր մոտ գտնվող զենքից կրակ է բացել մարդկանց վրա, հետո պայթեցրել է ինքն իրեն:
BBC-ի թուրքական ծառայության տեղեկացմամբ՝ կասկածներ կան, որ ահաբեկչության կազմակերպիչը «իսլամական պետությունն» է (ԻՊ - İŞİD):
Ահաբեկչության պատճառով բոլոր թռիչքները դադարեցվել են, ժամանող օդանավերն ուղղորդվել են այլ օդանավակայաններ: Թեև օդանավակայանը իր գործունեությունը վերսկսել է ժամը 2:20-ի սահմաններում, այնուամենայնիվ, հունիսի 29-ի համար նախատեսված մի շարք թռիչքներ չեղյալ են հայտարարվել:
Թուրքիայի վարչապետ Բինալի Յըլդըրըմի տեղեկացմամբ՝ ահաբեկչության հետևանքով դեպքի վայրում և հիվանդանոցներում 36 մարդ է մահացել, ևս 147-ը վիրավորվել են: Զոհերի անունները դեռևս չեն հրապարակվում, սակայն հայտնի է, որ նրանց մեջ արտասահմանյան քաղաքացիներ կան: Անկարայում Սաուդյան Արաբիայի դեսպանատան հաղորդմամբ՝ վիրավորների մեջ առնվազն 7 Սաուդյան Արաբիայի քաղաքացի կա:
Թուրքիայի առողջապահության նախարարությանը կից տեղեկատվության կենտրոնը 184 կարճ հեռախոսահամարով տեղեկություններ է տրամադրում վիրավորների ինքնությունը ճշտել ցանկացողներին:
Դեպքի առթիվ Թուրքիայի նախագահ Ռեջեփ Թայիփ Էրդողանը նախագահական նստավայրում հանդիպում է ունեցել վարչապետ Բինալի Յըլդըրըմի և ԶՈՒ գլխավոր շտաբի պետ Հուլուսի Աքարի հետ:
Այս ենթաբաժնի վերջին նորությունները
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Օրինակ՝ Ստամբուլ-Մուղլա ուղղության արժեքը ավտոբուսով կազմել է 1200 թուրքական լիրա (11.000 դրամ), իսկ ինքնաթիռով՝ 812 լիրա(7600 դրամ)։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Մեկնարկում է 2025-2026թթ․ արևմտահայերենի ուսումնառության ծրագրի 1-ին փուլը։ Դասընթացները սկսվելու են սեպտեմբերի 22-ին և տևելու՝ 18 շաբաթ։
Թրամփն ընդգծում է, որ ԱՄՆ-ն կաջակցի Ուկրաինայի անվտանգությանը, սակայն ամերիկացի զինվորներ չեն ուղարկվի․ գործընթացում առաջատար դերը պետք է ստանձնեն եվրոպական երկրները։
Թուրքիայի տրանսպորտի և ենթակառուցվածքների նախարարությունը պատրաստվում է կիրառել «Ես լավ եմ և այստեղ եմ» հաղորդագրությունների համակարգը:
Թուրքական «ORC Araştırma» հետազոտական ընկերությունը հրապարակել է սոցհարցման արդյունքները։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |