Ցեղասպանություն07:49, 27 Հունիս 2016
Թուրքիայի փոխվարչապետը Հռոմի Պապի հայտարարությունը որակել է աննրբանկատ
Թուրքիայի փոխվարչապետ Վեյսի Քայնաքն արձագանքել է Հռոմի Ֆրանցիսկոս 1-ին պապի կողմից «ցեղասպանություն» եզրույթի կիրառմանը: Թուրքական «Sabah» թերթի կայքի տեղեկացմամբ՝ Քայնաքը մասնավորապես ասել է.
«Ցեղասպանություն ասողները նախ թող նայեն իրենց սեփական պատմությանը, խաչակրաց արշավանքներին: Եվրոպայում այսօր սաստկանում է իսլամաֆոբիա: Նման պայմաններում Պապի այս հայտարարությունը ծայրաստիճան վտանգավոր է: Հոգևոր առաջնորդի կողմից այսքան աննրբանկատ ու անհիմն հայտարարությունը ճիշտ չեմ համարում: Այս արտահայտությունը օգտագործելով՝ Պապը, հավանաբար, ցանկանում է դառնալ ոչ թե բոլոր կաթոլիկների, այլ ողջ քրիստոնյա աշխարհի Պապը»:
Թուրքիայի փոխվարչապետը հավելել է. «Եթե նման հայտարարություններ անողները հետահայաց նայեն պատմությանը, ապա կտեսնեն, որ Օսմանյան պետության դաշնակիցը հանդիսացող գերմանացիներն են հրահրել 1915թ. դեպքերը և իրենք էլ ծրագրել են»:
Քայնաքը հիշեցրել է Թուրքիայի կողմից մշտապես առաջ քաշվող առաջարկը՝ պատմությունն ուսումնասիրելու նպատակով արխիվները բացելու վերաբերյալ: Նա ուշադրություն է հրավիրել այն հանգամանքի վրա, որ 101 տարի անց որոշ հայեր դեռ Թուրքիայի քաղաքացիներ են.
«Մենք նույն հողերում ենք ապրում, նույն իրավունքներն ունենք: Խորհրդարանում հայկական արմատներով պատգամավորներ ունենք: Հիմնադրամների գլխավոր վարչության միջնորդությամբ վերականգնվում են հայերին պատկանող կրոնական կառույցները: Մենք վերադարձնում ենք փոքրամասնությունների ունեցվածքը», - հավելել է Քայնաքը:
Նրա պնդմամբ՝ ոչ 300-ամյա սելջուկյան պատմության ընթացքում, ոչ 600-ամյա օսմանյան շրջանում միանշանակ ցեղասպանություն տեղի չի ունեցել:
Այս ենթաբաժնի վերջին նորությունները
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Յավաշը նշել է, որ չնայած Թրամփը Բայդենին հակառակ չի օգտագործել «ցեղասպանություն» եզրույթը՝ այդուհանդերձ երևում է, որ «1915-ի վերաբերյալ ընդհանուր դիրքորոշումը հիմնական գծերով շարունակվում է»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրենքի նախագիծը 28 պատգամավորի ստորագրությամբ արդեն ներկայացվել է Թուրքիայի ազգային մեծ ժողով։
Թուրքական «Asal» հետազոտական ընկերությունը հարցում է անցկացրել 26 նահանգում, որին մասնակցել է 18 տարեկանից բարձր 2012 մարդ։
«Հռետորաբանությունը՝ պատրվակ, իսկ առևտուրը՝ փառահեղ»,- գրել է թուրք տնտեսագետ Ինան Մութլուն։
Թուրքիայի գյուղատնտեսության և անտառտնտեսության նախարարը նշել է, որ առաջիկա օրերին ջերմաստիճանն ավելի է բարձրանալու ու հորդորել է պահպանել զգոնություն և կրակ չվառել։
Հալուք Բայրաքթարը նշել է, որ իրենց նպատակն է այդ ներդրումը դարձնել հաջողության պատմություն ոչ միայն Թուրքիայի, այլև Իտալիայի համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |