Միջազգային07:53, 24 Հունիս 2016
Գերմանիան արձագանքել է Ինջիրլիքի ռազմաբազայի հարցում Թուրքիայի պահվածքին
Գերմանիայի քաղաքական շրջանակներն արձագանքել են թուրք պաշտոնյաների կողմից Գերմանիայի պաշտպանության առաջին փոխնախարարի գլխավորած պատվիրակության` Ինջիրլիքի ռազմաբազա մուտքի արգելմանը:
Թուրքական «Gercekgundem.com» կայքի հաղորդմամբ` միջադեպին արձագանքել է «Սոցիալ-Քրիստոնեական միություն կուսակցության» ներկայացուցիչ, Դաշնային խորհրդարանի արտաքին և անվտանգային քաղաքականության պատասխանատու Ֆլորիան Հահնը: Նա մասնավորապես ասել է. «Սա որևէ տրամաբանության մեջ չտեղավորվող և ՆԱՏՕ-ի գործընկերոջ հանդեպ անպատասխանատու վերաբերմունք է»:
Հահնը, որը հաշվարկված սադրանք է անվանել Թուրքիայի այս քայլը, հայտարարել է, որ իրենք իրենց կոծանիչները տեղակայելու համար պետք է այլընտրանք փնտրեն Թուրքիայի տարածքում գտնվող Ինջիրլիքի ռազմաբազային և որպես ամենահավանական տարբերակ նշել է Հորդանանանի մայրաքաղաք Ամմանում գտնվող ռազմաբազայի օգտագործումը:
Թեմային անդրադարձել է նաև Գերմանիայի պաշտպանության նախկին նախարար Ֆրանց Ժոզեֆ Յունգը` անհրաժեշտ համարելով համարժեք պատասխան քայլ ձեռնարկել Թուրքիայի դեմ:
Գերմանիայի Կանաչների կուսակցության պաշտպանության ոլորտի փորձագետ Թոբիաս Լինդներն ևս արտահայտվել է Ինջիրլիքի ռազմաբազայից օգտվելուց հրաժարվելու մտքի օգտին:
Հիշեցնենք, որ Թուրքական իշխանությունները Գերմանիայի պաշտպանության առաջին փոխնախարարի և նրա հետ մեկնող պատգամավորների պատվիրակությանը չէին թույլատրել մուտք գործել Ադանա քաղաքում տեղակայված Ինջիրլիք ռազմաբազա:
Թուրքական մամուլում հրապարակված հոդվածների համաձայն` պատվիրակության այցի օրակարգը չհաստատելու և թույլտվություն չտրամադրելու պատճառը Գերմանիայի Բունթեսթագի կողմից Հայոց ցեղասպանության մասին օրինագծի ընդունումն է եղել:
Այս ենթաբաժնի վերջին նորությունները
Գագաթնաժողովը կկայա 2026-ի հուլիսի 7-ից 8-ը՝ Թուրքիայի նախագահական համալիրում։
Հոդվածում անդրադարձ կա ռուս-ուկրիանական համակարտությանը և Ռուսաստան-Ադրբեջան հարաբերությունների ներկայիս փուլին։
Թուրքիայի նախագահն անդրադարձել է Թրամփ-Պուտին հանդիպմանը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |