Զեկույց. խաղաղ երկրների վարկանիշային ցանկում Թուրքիան 145-րդն է

Հասարակական13:51, 21 Հունիս 2016

Զեկույց. խաղաղ երկրների վարկանիշային ցանկում Թուրքիան 145-րդն է

Ամերիկյան «Տնտեսության և խաղաղության ինստիտուտը» հրապարակել է «Խաղաղության համաշխարհային ինդեքս» զեկույցը։ Թուրքական «Hurriyet» թերթը տեղեկացնում է, որ Թուրքիան 2710 միավորով 163 երկրների շարքում զբաղեցրել է 145-րդ տեղը: Նախորդ տարվա համեմատ նահանջել է 7 հորիզոնականով:

Զեկույցը կազմվել է՝ հաշվի առնելով հասարակություն անվտանգության մակարդակը, ներքին և արտաքին հակամարտությունների առկայությունն ու ռազմականացվածության աստիճանը: Ամենախաղաղ երկիրը համարվել է Իսլանդիան (1192 միավոր), իսկ Սիրիան հայտնվել է վերջին հորիզոնականում:

Նշվում է, որ վերջին տարիներին աշխարհում ավելացել է ահաբեկչությունների թիվը և զեկույցում տեղ գտած երկրների միայն 23 տոկոսում ահաբեկչություն չի գրանցվել:

Խաղաղ երկրների շարքում բացի Իսլանդիայից, ըստ հերթականության, տեղ են գտել Դանիան, Ավստրիան, Նոր Զելանդիան, Պորտուգալիան, Չեխիան, Կանադան, Ճապոնիան, Սլովենիան:

Ոչ անվտանգ երկրների շարքում Սիրիային նախորդում են Հարավային Սուդանը, Իրաքը, Աֆղանստանը, Սոմալին, Յեմենը, Ուկրաինան, Սուդանը, Լիբիան:

Այս ենթաբաժնի վերջին նորությունները

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։