Հասարակական07:52, 16 Հունիս 2016
Ստամբուլի հայ աշակերտների հայտարարությունը. «Ընդդեմ հետամնացության, լճացման և ֆաշիզմի»
Թուրքիայի հայ համայնքի երիտասարդ ներկայացուցիչները միացել են ստամբուլյան դպրոցների սաների հակապետական բողոքին: Թուրքական «İMCTV»-ի տեղեկացմամբ՝ «Նոր աշակերտներ» անվամբ հանդես եկող հայ ուսանողների խումբը գրավոր հայտարարությամբ աջակցել է Ստամբուլի արական վարժարանի շրջանավարտներին: Վերջիններս հունիսի 4-ին, ի նշան բողոքի, թիկունք էին դարձրել վարժարանի սաների ավարտական հանդիսության ժամանակ ելույթ ունեցած տնօրենին:
«Ընդդեմ հետամնացության, լճացման և ֆաշիզմի» խորագրով հրապարակված հայտարարությունում մասնավորապես ասված է. «Ցանկանում ենք տեղեկացնել, որ մինչև վերջ աջակցելու ենք մեր այն դասընկերներին, ովքեր պայքարում են հետամնաց ու կրոնամոլ հասարակության դեմ, որը ձևավորելու փորձ է անում պետությունը՝ իր նշանակած իշխանամետ տնօրենների միջոցով»:
Հայ աշակերտները նշել են, որ գրքով ու լուսավորությամբ կարելի է հաղթել խավարը և իրենք թույլ չեն տա, որպեսզի խավարը տարածվի:
«Մենք թույլ չենք տա, որ այս պետությունը, որ մանուկին մարդասպան է դարձնում, երիտասարդությանը խավարի մեջ թաղի: Մենք սատարում ենք բոլոր նրանց, ովքեր այս նպատակով թիկունք են դարձնում խավարին ու շրջվում դեպի լույսը:
Մենք միշտ ընդդիմանալու ենք և երբեք չենք դադարելու պայքարել այս անհասկանալի մտածողության դեմ, որը համառորեն փորձում է օտարել մեզ այն հողերից, որտեղ ծնվել ու մեծացել ենք՝ հաշվի չառնելով, որ մենք արդեն հազարավոր տարիներ ապրում ենք այս հողերում»:
Նշենք, որ Թուրքիայի ազգային կրթության նախարարությունը Ստամբուլի 11 վարժարանում սկսել է կիրառել տնօրեններին ոչ թե մրցույթով, այլ նշանակմամբ ընտրելու մեթոդը: Մի շարք դպրոցների աշակերտներ բուռն կերպով ընդդիմացել են դրսից նշանակված այս տնօրեններին և զանազան բողոքի ակցիաներով ու հայտարարություններով հանդես եկել նախարարության սույն որոշման դեմ: Ստամբուլյան 52 դպրոցներ ևս հանդես են եկել աշակերտներին աջակցող հայտարարություններով:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Քուրդ լրագրող Սերդար Ալթանը Ermeniahaber.am-ին տված հարցազրույցում անդրադարձել է Թուրքիայում կայանալիք ՏԻՄ ընտրությունների հնարավոր արդյունքներին։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Նշվում է, որ վերոնշյալ հայտարարության պատճառով բացված դատական գործով վճիռ է կայացվել Անկարայի 48-րդ ընդհանուր իրավասության քրեական դատարանում։
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Քուրդ լրագրող Սերդար Ալթանը Ermeniahaber.am-ին տված հարցազրույցում իր կանխատեսումներն է ներկայացրել Թուրքիայում կայանալիք ՏԻՄ ընտրությունների արդյունքների վերաբերյալ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |