Ցեղասպանություն08:30, 16 Հունիս 2016
«Գորշ գայլերին» հարող թուրք պատգամավորը քննադատել Անկարայի արտաքին քաղաքականությունը
«Գորշ գայլերի» քաղաքական թևը հանդիսացող Թուրքիայի «Ազգայնական շարժում կուսակցության» (ԱՇԿ-MHP) փոխնախագահ և Ադանայի պատգամավոր պրոֆեսոր Մևլութ Քարաքայան քննադատել է իշխանությունների վարած արտաքին քաղաքականությունը:
Թուրքական «Ekspresgazete» թերթի կայքի տեղեկացմամբ` որպես Թուրքիայի ներկայիս իշխանությունների արտաքին քաղաքականության սխալ, Քարաքայան նշել է Գերմանիայի Բունթեսթագի կողմից ընդունված Հայոց ցեղասպանությունը ճանաչող և դատապարտող օրինագիծը:
«Մեր երկրի արտաքին քաղաքականության պատմության մեջ հիմա ամենասև շրջանն է: Թուրքիան աստիճանաբար մեկուսանում է աշխարհից: Մեր արտաքին քաղաքականության վերջին անհաջողության օրինակը Բունդեսթագի բանաձևն էր: Այսօր 29 երկիր և ԱՄՆ-ի 45 նահանգների խորհուրդները 1915թ դեպքերը ճանաչել են որպես ցեղասպանություն»,-ասել է Քարաքայան:
Ըստ նրա` Թուրքիայի իշխանությունները պետք է նախօրոք ձեռնարկեին համապատասխան միջոցներ նման փաստի առաջ չկանգնելու համար:
Պատգամավոևը կասկած է հայտնել, թե ադյոք Թուրքիայի արտաքին գործերի նախարարությունը Հայոց ցեղասպանության միջազգային ճանաչման դեմ ունի ընդհանուր մշակված ռազմավարություն, կամ արդյոք թուրքական դիրքորոշումը Հայոց ցեղասպանության հարցում տարածելու հարցում կազմակերպվում են միջազգային կոնֆերանսներ և ցուցահանդեսներ:
Դժգոհել է նաև, որ Հայոց ցեղասպանությունն ընդունած երկրների դեմ Թուրքիան չի իրականացնում պատժամիջոցներ: Մտահոգվելով Բունթեսթագի ընդունած որոշումից՝ Քարաքայան պնդել է, որ դրա հետևում մի շարք նպատակներ կան, մասնավորապես փոխհատուցման պահանջները, ինչպես նաև Եվրոպայում թուրքերի «ազգային» գիտակցության թուլացումը և վերջիններիս, ասիմիլիացման գործընթացի դյուրացումը:
Տագնապած է, որ Հայոց ցեղասպանության վերաբերյալ Բունթեսթագի դիրքորոշումը կարտացոլվի նաև դպրոցական դասագրքերում և գերմանաբնակ թուրք երեխաները կսկսեն սովորել այդ դասագրքերով :
Այս ենթաբաժնի վերջին նորությունները
Բենյամին Նեթանյահուն Պատրիկ Բեթ-Դեյվիդի փոդքաստում պատասխանելով այն հարցին, թե ինչու Իսրայելի ոչ մի վարչապետ չի ճանաչել Հայոց ցեղասպանությունը, ասել է. «Ես հենց նոր ճանաչեցի»:
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Անիի կամուրջը, կառուցվել է 10-11-րդ դարերում հայոց արքայատոհմ Բագրատունիների կողմից։
Եվրամիությունն այդ ծրագրի իրականացման համար հատկացրել է 21․3 միլիոն դոլար, իսկ Թուրքիան՝ 2․5 միլիոն դոլար:
Տեսանյութը լայնորեն տարածվել է սոցցանցերում և լայն քննարկումների առիթ դարձել։
Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։
Աղքատության բարձր մակարդակ է գրանցվել Հայաստանին սահմանակից Աղրը, Կարս, Իգդիր և Արդահան քաղաքներում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |