Քաղաքական07:48, 14 Հունիս 2016
Քանի դեռ Թուրքիայի առաջնորդը Էրդողանն է, այդ երկիրը չի կարող դառնալ ԵՄ անդամ
Գերմանիայի խորհրդարանի ազգությամբ թուրք պատգամավոր, «Կանաչների կուսակցության» համանախագահ Ջեմ Օդեմիրը հայտարարել է, որ քանի դեռ կա Ռեջեփ Թայիփ Էրդողանը, Թուրքիան չի կարող դառնալ Եվրամիության (ԵՄ) անդամ: Այս մասին տեղեկացնում է թուրքական «Ahaber» լրատվական կայքը՝ հղում անելով Օզդեմիրի վերջին օրերին գերմանական մամուլին և թուրքական «Cumhuriyet» թերթին տված հարցազրույցներին:
«Մեր թիրախը Էրդողանն է, քանի դեռ նա է երկրի առաջնորդը, Թուրքիան չի կարող մուտք գործել ԵՄ»,-ասել է Օզդեմիրը:
Նշենք, որ Ջեմ Օզդեմիրը հունիսի 2-ին Բունդեսթագում ձայների ճնշող մեծամասնությամբ ընդունված Հայոց ցեղասպանությունը ճանաչող բանաձևի համահեղինակնեից է:
Ըստ նույն աղբյուրի՝ Օզդեմիրը քննադատել է Գերմանիայի իշխող Քրիստոնեական միություն դաշինքին՝ Թուրքիայի հետ անդամակցության բանակցությունները դադարեցնելու համար: Նրա կարծիքով լիարժեք անդամակցության փոխարեն Թուրքիայի հետ արտոնյալ պայմաններով գործընկերության մասին խոսելը սխալ քայլ է:
Բունդեսթագի պատգամավորը քննադատել է ԵՄ և Թուրքիայի միջև փախստականների ճգնաժամի լուծման հարցում ձեռք բերված պայմանավորվածությունը, որին կողմերը հասել էին կանցլեր Անգելա Մերկելի ջանքերի արդյունքում: Ըստ Օզդեմիրի՝ կարճաժամկետ շահերի համար փորձ է արվում սիրաշահել Էրդողանին:
Այս ենթաբաժնի վերջին նորությունները
Նախագահները քննարկել են երկկողմ հարաբերությունները, Ուկրաինայում և Սիրիայում տիրող իրավիճակը, ինչպես նաև տարածաշրջանային և գլոբալ հարցեր։
Կողմերը քննարկել են Թրամփի և Պուտինի Ալյասկայում կայացած հանդիպումը և Գազայում ու Սիրաիայում տիրող իրավիճակը։
Նակատանիի այցը պատմական է, քանի որ նա Ճապոնիայի առաջին պաշտպանության նախարարն է, ով այց է կատարում Թուրքիա։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստամբուլում ծնված Հայկո Ջեփքինը կմասնակցի Էսքիշեհիր քաղաքում անցկացվելիք «Gastro Fest»-ին:
Բեյշեհիր լիճն աստիճանաբար վերածվում է խոշոր եղջերավոր կենդանիների արոտավայրի։
Թուրքիայի վիճակագրական ինստիտուտը բնակչության սոցիալական պատկերի վերաբերյալ տվյալներ է հրապարակել։
Ջրի պաշարները հաշվարկվում են մոտավորապես մինչև 35 օր: Քաղաքապետը կոչ է արել խիստ խնայողաբար օգտագործել այն:
Ավիացիոն ոլորտում վերլուծություններ անող OAG-ը՝ «Թռիչքային տվյալների վերլուծության հարթակը», հրապարակել է ավիաընկերությունների կողմից 2025-ի օգոստոսի դրությամբ վաճառքի հանված նստատեղերի քանակը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |