Հասարակական08:42, 14 Հունիս 2016
Նամազ չանողներին «կենդանի» անվանած թուրք պրոֆեսորը ներողություն է խնդրել
Թուրքիայի հանրային հեռուստաալիքով (TRT) իսլամական սուրբ ամսվա` Ռամադանի կապակցությամբ հեռարձակվող հաղորդման ժամանակ հյուրերից պրոֆեսոր Մուստաֆա Աշքարը Ռամադանի ընթացքում նամազ չանողներին կենդանի էր անվանել: Թուրքական «Milliyet» թերթը հայտնում է, որ պրոֆեսորը ներողություն է խնդրել այդ վիրավորական արտահայտության համար:
Աշքարի «Միայն կենդանիները նամազ չեն անում, նամազ չանողները կենդանի են» արտահայտությունը մեծ արձագանք էր գտել սոցկայքերում և քննադատության արժանացել:
«Ներողություն եմ խնդրում TRT–ի եթերում ոչ դիտավորյալ արտահայտություններիս համար: Իմ խոսքերը սխալ են հասկացել»,-արձագանքել է պրոֆեսորը:
Ներողություն է խնդրել նաև հաղորդավար Սերդար Թունջերը: Միջադեպից հետո հայտարարություն են տարածել նաև Թուրքիայի կրոնական հարցերով վարչությունը և համալսարանը, որտեղ դասավանդում է պրոֆեսոր Աշքարը:
Կրոնական հարցերով վարչությունը, հայտարարության մեջ նշելով իսլամում նամազի դերի, կարևորության և արժեքի մասին, ընդգծել է, որ անընդունելի է այլ մարդկանց վիրավորել և ծաղրել՝ թիրախավորելով նրանց խղճի և դավանանքի ազատությունը:
Անկարայի համալասարանի աստվածաբանության ֆակուլտետի դեկան Իսմայիլ Հաքքը Ունալն էլ հայտարարել է, որ դասախոսի արտահայտությունն անընդունել է յուրաքանչյուր ողջախոհ մահմեդականի համար:
Այս ենթաբաժնի վերջին նորությունները
2024 թվականի ընթացքում Թուրքիա է ընդունել է 60․6 մլն զբոսաշրջիկ։
Սոցհարցման մասնակիցների մեծ մասը կարծում է, որ Թուրքիայի վրա հնարավոր հարձակման դեպքում ՆԱՏՕ-ն օգնության չի գա:
Էրդողան. «Դեմոգրաֆիայի խնդիրը մեր ազգի համար քիչ-քիչ վերածվում է գոյության մարտահրավերի»
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
ՔԲԿ-ի զինյալների առաջին խումբը հուլիսի 11-ին էր Իրաքյան Քուրդիստանի Սյուլեյմանիե քաղաքում զենքերը հանձնել թուրքական կողմին։
Ըստ Ֆրիդրիխ Մերցի՝ վաճառքի թույլտվության գործընթացը դրական ընթացքի մեջ է:
Վիզաները կտրվեն ավելի երկար ժամկետով և բազմակի մուտքով։
Մոսկվայում կայացած ամենշաբաթյա մամուլի ասուլիսում Զախարովան անդրադարձել է ռուս-ուկրաինական բանակցային գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |